Ta’utinoga a Sagato Aokusitino - Ola faata’ita’i ia Keriso -

290 Hits

Confessions of St. Augustine-Immitation of Christ. 

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer


E UIGA I LE TALITONU ATOATOA O LE LOTO MA LONA TAUI

Lo’u atalii e-ua uma ona ‘ou fai atu-“O le filemu ou te tuuina atu ia te oe, O lo’u filemu ou te tuuina atu ia te oe-e le pei ona tuuina atu e le lalolagi ia te oe.

E mana’omia e tagata uma lava le filemu-ae le popona i latou uma i mea a le filemu moni.

O Lo’u filemu- e mo e agamalu ma loto maulalo. O lou filemu- e te maua i le loto maulalo. O lou filemu- e te maua i lou loto onosa’i. Afai e te faalogo mai ia te A’u –ma e mulimuli i lo’u leo- o le a e maua le filemu e tele lava. 

O se a se mea ou te faia le Alii e? Ia e faalogo ia te oe i mea uma lava e tusa ai ma le mea e tatau ona e faia-ma o le upu e te tautala ai-ia e tuuina atu i ai lou faamoemoe atoa-ona mafai lea ona e faafiafia- na o A’u lava. O se a la le Alii e se mea e te finagalo ai e ao ina ‘ou faia?

Ia e faaeteete i mea uma lava e te faia- ma le upu e te tautala ai-ae tuu atu atoatoa lou mafaufau i le mea o loo e faia-ina ia mafai ai ona e fafiafia mai ia te a’u-ma ia ‘aua nei naunau lou loto e te saili i se isi lava mea e ese ai- mai ia te A’u! (E toe faaauau atu i lea Aso Sa-ma ia manuia tele le Aso Sa Samoa!

© Samoa Observer 2016

Developed by Samoa Observer in Apia