Ia Manatua lou valaauina’

03 January 2016, 12:00AM

Tusia Pai Mulitalo Ale 

Faaliliu e Seagaitumua Tupuola

 

 “Ia Manatua lou valaauina.” 

O le fe’au lena mai ia Reverend Siaosi Moananu mo Samoa ma lana aulotu ina ua latou faafeiloa’i atu i le tausaga fou i le po o le Aso Tofi. 

O Sui auai o le Ekalesia Faapotopotoga Kerisiano i Samoa (C.C.C.S.) sa auai faatasi ma le faitau afe ma afe o tagata Samoa mai le atunuu i sauniga faafetai, i nai itula i luma mai o le faaiuga o le 2015. 

Mo Rev Moananu, fai mai a ia e taua tele mo Samoa ona faatali teisi, mafaufau i le malaga mai le tausaga talu ai, a’oa’o mai mea sese ma faagasolo i luma. 

Na faailoa  e Reverend e faapea o le tausaga talu ai sa tumu i lu’itau ae ona o le alofa o le Atua ua taunuu manuia ai mea uma.  Sa faafetai e le Faife’au sui auai o lena aulotu mo lo latou agalelei ma le alofa i le tausiga o ia ma lona faletua o Imakulata. 

I le faagasologa o le sauniga, sa tuuina atu i sui o le aulotu le avanoa e tautino ai faamanuiga ma lu’itau o le 2015. Na toe ta’ua e se sui matua o le ekalesia o Tugaga Togamau e faapea e ui lava ina lu’itau le tausaga 2015, ae sa mafai lava e le ekalesia ona ‘ausia ni mea se tele.

Sa filo i matati’a na ‘ausia le faamae’aina o lo latou falesa fou. Na ia faafetai sui auai o le ekalesia ona o le faatuatua i le galuega a le Atua ma le loto gaua’i e galulue. “O la outou lagolago tau tupe ua tatou mafai ai ona vaaia lenei fale ua tu,” o lana faaaliga lea. 

O le isi sui auai o le ekalesia, o Mulipola na ia faamanatu atu e faapea e leai se mea e mafai ona fai pe a le galuue faatasi tagata. 

Fai mai a ia o le lesona e faapea e tele mea e mafai ona ‘ausia i le galulue ma faamalosi ma le loto ua tuuina atu atoatoa.

03 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>