Fa’ata’ita’iga lelei

Tusia Ulimasao Fata ,

175 Hits

TAMA GALUE MALOSI: So’o Vili mai le afioaga o Fasitoo-Uta

TAMA GALUE MALOSI: So’o Vili mai le afioaga o Fasitoo-Uta

O le Tama o le aiga o le na te faia fa’ata’ita’iga lelei mo lana fanau.

Na taua e le Tama ia So’o Vili mai le afioaga o Fasito’o-Uta, “O le Tama o se Tagata e silafia lelei ma ma’ilo’ilo lelei ia galue malosi lona atali’i.”

Na feiloa’i atu le Fofoga o Samoa ma le Tama ia So’o Vili a’o fa’amae’aina le faatauina o lana ulo koko esi i le taeao anmanafi.

Na taua e le Tama ia So’o Vili o lana auala lea o lo’o maua ai lana seleni aua le tausiaina o le latou aiga, aemaise sana ia lava fa’amalositino.

“O lata lava lea masani i taeao o aso uma lava, o le fa’asavaliina lea o le ulo koko esi ia maua ai se seleni o le aiga.”

“Ia e aoga foi lenei galuega e fai ma a’u fa’amalositino ia maua ai e le tino le ola malosi ma le fiafia.”

Na taua foi e le Tama ia So’o Vili o ia e to’afitu lana fanau ae to’atasi o lo’o i Niu Sila, ma le toatolu o lo’o i Samoa.

“O le isi to’atolu o lo’o fa’apena lava ona aooga e o’o mai i le taimi nei ia a’o le ulo koko esi o lo’o faapena ona fesoasoani malosi aua le totogiina lea o latou pili aoga.”

Na ia taua foi o lo’o ia naunau ina ia galulue malosi foi lana fanau pei o ia.

“O lo’o iai le naunautaiga I le fanau ia matutua a’e ma ola galulue malosi pei o le latou Tama.”

Na ia saunoa foi o le tau o le soifuaga ua iai nei Samoa ua matua taugata lava ae ua leai lava se mea e mafia ona fai iai.

“E leai lava ma se mea e mafia ona tatou fai atu i le tau o le soifuaga ua na’o le galue malosi lava mo le aiga.”

“E na’o le tatou fa’agaulemalie lava ia ae fa’ataligatuli mai pea le malo ia tatou ,a tatou manatu.” 

© Samoa Observer 2016

Developed by Samoa Observer in Apia