Ia alofa i matua

Tusia Aruna Lolani ma Ilia L Likou ,

48 Hits

Tuna Iopu mai Nofoali’i.

Tuna Iopu mai Nofoali’i.

O le taumafai lava ma alofa i matua ma aiga  o nisi ia o mafua’aga o le finau ai o le ali’i o Tuna Iopu, 18 tausaga o Nofoali’i i le aoga.

“Ia e pei o lea lava le tulaga o lo’o ua una’ia ai pea a’u ina ia mafai ona ou alu pea i le aoga, o le va’ai alofa lava i matua i le taumafaiga o aoga.

“I lo’u iloa i ai, e le faigofie le taimi lenei i le tele o fanau aoga, ona o tulaga o tekonolosi e pei o telefoni ma vevesi e tutupu mai, ia ae o lo’u iloa ai le taimi lenei, ia o le tamaititi lava ia e mafua ai ona tutupu mai nei fa’afitauli.

“A iloa e le tamaititi ona alu i le aoga ma mafaufau i matua, ia o le tulaga lava lena e o’o ai le taumafai ai pea , ae a aunoa ma se alofa ia e le mafai ona ausia se naunauta’iga o lo’o i le loto.

O lona manatu e sili lava apoapoaiga a matua e fesoaoani ai i so’o se tamaiti.

“E pei o lo’u ia leai iloa ai le taimi lenei, e mula’i lava faleaoga ma isi tulaga, ae pei o matua lava le faleaoga muamua.

“A lelei fo’i lava ona o matou fa’alogo ma fa’aaoga, ae a o matou le fa’alogo loa ia e i ai lava se mea e tupu mai ai.

O Tuna o le matua o nai ona tei laiti.

“Ia e pau le tulaga olo’o i ai le taimi lenei, o le taumafai pea e fai le aoga ia lelei, aua a i’u manuia ia e manuia ai si o matou aiga.

“Afai fo’i ae matua, a lae mafai ona maua se galuega aua le aga’i atu le lumana’i.

“O le itu taua, o le to’aga i le aoga, ma fa’alogo lelei i le faiaoga...o le isi tulaga, ia o le atumafai lava e fesili i le faiaoga pe a i ai se mea e le malamalama ai.

O le isi itu e fesoasoani mo Tuna o le to’aga lea i le lotu ma le Aoga Aso Sa.

“E pei o lea lava na ou ola mai ai, o le o lava i le lotu ma le aoga aso sa, ia ma fa’aaoga le lauga a le faife’au e pei o lea le itu e pito sili ona taua.

© Samoa Observer 2016

Developed by Samoa Observer in Apia