To’atele turisi malaga asiasi mai

Tusia Aruna Lolani ma Ilia L Likou ,

52 Hits

Vusa Fiti o A’ufaga.

Vusa Fiti o A’ufaga. (Photo: Aruna Lolani)

O le maua ai ole fa’atalatalanoaga a le Fofoga o Samoa ma Vusa Fiti o A’ufaga na ia fa’ailoa ai le tulaga si’itia ai o turisi malaga tafafao atu i lo latou pito talu ona ma’ea le galulolo i le 2009.

“Ia e mo le silafia ai o le taimi lenei o lo’o fa’apena lava ona fa’amanatuina pea e si o matou nei fo’i pito le fa’alavelave ua tuana’i atu.

“E fa’afetai ai le Atua, ia o so’o se tulaga lava fa’apea e tupu ia e i ai lava ma a’oaiga o lo’o aumai ai e nofo tapena atu e o lo’o feola pea.

“Ae pei ona ou fa’ailoa atu muamua ia o lea lava e taumafai ina ia mafai pea ona ia fa’atumauina le to’atele o tagata maimoa mai fafo e afea mai lo matou pito.

“O le itu mautinoa lea ua  i ai le taimi lenei.

Na ia fa’ailoa o le tele lava o aiga ua si’itia i uta i nofoaga maualuluga ma ua atia’e ai lava o aiga.

“E pei o le uiga lea o la’u tala o le lelei ona lava tapena i taimi uma, aua e pei ona silafia ai o le to’atele lava o si o matou pito na nonofo uma iinei.

“Ae pei o lea ua to’atele ua aga’i atu i le isi pito....

O lona silafia ia e le’o avea tulaga na tula’i mai e fa’aitiitia ai le to’atele o e tafafao atu i lo latou pito.

“E pei o le uiga lea o la’u tala, ia ua matua’i si’itia lava turisi  o lo’o ua aga’i mai tua nei, ma o se tulaga lelei tele lea.

“Aua e pei o i latou nei o lo’o tele ina maua ai  tupe lea o lo’o faigaluega ai tagata faigaluega i le tele o faletalimalo.

“Ia o lea fo’i o le a o’o atu i le fa’aiuga o le tausaga, ia e le taumateina le to’atele o aiga o le a mafai ona o’o mai mo lea fa’amoemoe ma o se itu lelei tele lea.

“O le itu taua lava o le mafai ai lea ona fa’ateleina mai o e tafafao maimoa mai fafo, e fesoasoani tele mo nai o tagata aemaise o le atunu’u.

“Ua o tatou maitauina ua le faigofie nei aso, ia ae o nai vaega nei o lo’o maua ai nai tupe a’i matou i tua nei aua lava le tausiga o aiga aemaise o  fanau.

© Samoa Observer 2016

Developed by Samoa Observer in Apia