‘Fa’asusuina o pepe i o latou tinā o le amataga o atina’e manuia’

Tusia Ilia L Likou ,

117 Hits

O le aso ananafi sa tatala aloaia ai lenei vaiaso i luma o le T.A.T.T.E ma na auai le to’atele aemaise o le Matagaluega o le Soifua Maloloina lea o lo’o ua taulamua i lea fa’amoemoe.

O le aso ananafi sa tatala aloaia ai lenei vaiaso i luma o le T.A.T.T.E ma na auai le to’atele aemaise o le Matagaluega o le Soifua Maloloina lea o lo’o ua taulamua i lea fa’amoemoe.

O lle sini autu o le fa’amanatuina ai i Samoa nei o le Vaiaso mo le fa’atauaina o le fa’asusuina o pepe i suasusu  o o latou tinā.

O le aso ananafi sa tatala aloaia ai lenei vaiaso i luma o le T.A.T.T.E ma na auai le to’atele aemaise o le Matagaluega o le Soifua Maloloina lea o lo’o ua taulamua i lea fa’amoemoe.

Na saunoa le Minisita o le Soifua Maloloina, Tuitama Leao Tuitama i le taua ai o le suāsusu o le tinā.

“O le suasusu o le tinā o le ulua’i mea’ai lea e mo’omia e le pepe meamea mai le taimi fa’atoā fanau ai seia o’o i le 2 tausaga o lona matua pe sili atu,” o lana saunoaga lea.

“O le fa’asusuina o pepe i o latou tinā o se ta’iala o lo’o fautuaina e Fa’alapotopotoga Soifua Maloloina a le lalolagi faapea le Matagaluega Soifua Maloloina,

“Ua fautuaina ai le faasusuina o pepe tau lava i le suasusu o lona tina e aunoa ma se isi meaai po o vaiinu mo le ulua’i ono masina,

“Mai le 6 masina, amata fafaga loa pepe i meaai ma fa’aauau pea le fa’asusuina se’ia o’o i le 2 tausaga pe sili atu.

Na ia fa’ailoa le tele o itu taua o le faasusuina o pepe i o latou tinā.

“Muamua e fesoasoani mo le pepe, e pupuia mai fa’amai e pei o le ma’i sela, niumonia, manava tata, tino pae’e, kanesa, ma’i suka ma le tino puta,

“O le lona lua; e fesoasoani e fa’asaoina mai ai tupe mo nisi manaoga tatau mo le aiga, fa’aitiitia tupe alu ona o ni gasegase o le pepe mafua maai i le faasusuina i apasusu ma le pepa susu,

“O le lona tolu, e fesoasoani mo tinā faigaluega ma falefaigaluega e fa’aitiitia taimi e le faigaluega ai le tinā pe a soifua maloloina le pepe ma fa’asagatonu lona mafaufau e faatino lelei galuega

“I le ma le fa, o le a fa’aitiitia tupe alu ona o fa’ama’ai mata’autia ma ogaoga o totoga e pei o le mai suka , kanesa, ma le tino puta tele pe a le fa’asusuina pepe i o latou tina,

“E puipuia lo tatou si’osi’omaga aua o le laititi lapisi mai fagususu, apa susu ma nisi o vaega,

“O le a faamalosia lo tatou puipuiga ma le suiga o le tau aemaise lava i taimi o mala fa’alenatura ua aafia ai b tatou atunu’u mai lea taimi i lea taimi,

“Ma o lea a i ai fo’i se augatupulaga e a’otauina i aoga, malolosi ma ola maloloina e tautua i le atunu’u i le lumana’i.

© Samoa Observer 2016

Developed by Samoa Observer in Apia