Ua faamanino mai e le Faamasino Muamua

Tusia Lanuola Tusani Tupufia ma Faaliliu e Seagaitumua Tupuola ,

337 Hits

O le Sui Peresetene muamua o le Faamasinoga o Fanua ma Suafa o Anae Pita II Anae, lea na ia lagolagoina le galuega a ana paaga ananafi, ua finagalo e faamalamalama lea itu.

Ona ua ta’ua o ia i totonu o se tala ua faa-ulutalaina “Ua puipui e le Sui Peresetene Faamasino “na lomia faasalalau i le itulau i luma o le Samoa Observer ananafi. Fai mai Anae e sese mo tagata ona faauigaina ona manatu faaalia-e faapea e tete’e i le valaau a le Palemia mo se Komisi Su’esu’e.

 “Ou te le teena le mea moni o loo tapā e le Palemia se Suesuega faapitoa a le Palemene,” o lana faaaliga lea. “O loo i ai faaseā mai tagata fai mai ou te tete’e i le valaau mai le Palemia. “E leai se tulaga faapena. O le valaau mai le Palemia e taua-ona o loo tilotilo i faitioga (mai tagata lautele).  Ou te lagolagoina le valaau.

Ae peitai-o o’u manatu  e faapito i le tulaga oloo feagai ma (faanasino)…o se mataupu ma’ale’ale ma e manaomia ona silasila i ai.” Sa toe ta’ua e Anae e faapea o le a latou fono ma le Komisi i le Aso Gafua ina ia tuuina atu sana faamatalaga e uiga i le mataupu.

I totonu o le lomiga ananafi, sa faasoa mai e Anae ona manatu e uiga i mafuaga ua faatuai ai le tele o faamasinoga i le Faamasinoga o Fanua ma Suafa. Ona o  lona poto masani i le faamasinoga e sili atu i le sefulu tausaga, fai mai a ia o le faafitauli- e le pogai mai faapitoa i Faamsino.  “E tatau ona outou manatu-i le avea ma tagata Smoa, e i ai o tatou faiā i nofoaga uma,” o le faaaliga lea a Anae.

“A faaulu e se itu tagi se tagi, e tusa ma le sefulu isi itu tete’e i le mataupu. O le faafitauli la e faapea o le toatele o i latou e nonofo i Niu Sila poo Ausetalia ma a o’o ina valaau a latou mataupu, latou te talosagaina le toe tolopo ona o latou ta’ita’i e nonofo i fafo ma ua le mafai ona malaga mai i Samoa mo le fofogaina o le mataupu.” 

.E tusa ai ma le vaai a le Faamasinoga o Fanua ma Suafa, fai mai Anae-o le pogoai lena latou te taumafai ai e fai se faiga e taufai malilie faatasi i ai, tusa lava pe o le a le faigata. E le iloa e le Faamasinoga le mea o le a fai pe a talosagaina e nisi o itu tete’e le mataupu ina ia toe tolopoina ona o le matai o le aiga e nofo i atunuu mamao ma ua le mafai ona auai mai.

E pau lava le mea matou te mafai ona fai-o le tolopo o le mataupu. E fai foi ma faatiga i Faamasino pe a tele ni itu tete’e i totonu o se mataupu ma o le vaega ele o i latou e tusi mai Niu Sila, Ausetali ma le Iunaite Setete. 

“O le mea lea e taumafai ai le Faamasinoga i taimi uma i le mea sili na te mafaia ina ia valaau lea mataupu i se so e talafeagai mo tagata uma. Ae i lea lava taimi, e tumau lava ona i ai se tasi na te talosagaina le tolopoina ona e le tutusa manatu o tagata uma.”

O lea la komiti faapitoa faa-Palemene e ta’ita’ifono ai le Faipule mo Vaisigano Nu.1 o Lopao’o Natanielu Mua ma le Sui Taitaifono-o le Sui Fofoga Fetalai lea o Nafoitoa Talaimanu Keti. 

© Samoa Observer 2016

Developed by Samoa Observer in Apia