Ua ia Salā le Ofisa o Turisi, Suiga na fai e le Kapeneta

Tusia Lanuola Tusani Tupufia ma Faaliliu e Seagaitumua Tupuola ,

158 Hits

Le Minisita fou o le Turisi ma le Tausi Mavaega,o Sala Fata Pinati lea foi o loo vaaia le Matagaluega o Leoleo ma le  Minisita mo Tupe Maua  ma le Minisita fou mo Falepuipui,Tialavea Tionisio Hunt

Le Minisita fou o le Turisi ma le Tausi Mavaega,o Sala Fata Pinati lea foi o loo vaaia le Matagaluega o Leoleo ma le Minisita mo Tupe Maua ma le Minisita fou mo Falepuipui,Tialavea Tionisio Hunt

Ua i le Minisita o le Matagaluega o Leoleo, o Sala Fata Pinati nisi matafaioi fou se lua e faaopoopo i lana avega. Ua tuuina atu ia te ia le Pulega o Turisi a Samoa ma le ofisa o le Tausi Mavaega. O nei tofiga na faamaonia e le Palemia o Tuilaepa Saielele Malielegaoi i nusipepa ananafi.. 

O ia matafaioi na tuuina atu muamua i le Minisita o Pisinisi a le Malo o Lautafi Selafi Purcell-lea sa noatia muamua mo le Turisi ma le ofisa o le Tausi Mavaega e ese ai mai le tele o isi tiute. Ae ui o lea, fai mai Tuilaepa o ia suiga e tatau ona fai ona o le mamafatu o galuega a Lautafi. “O ia (Sala) sa na vaaia le Matagaluega o Leoleo ma Falepuipui,” o lana faamatalaga lea.  

Ae peitai-o lea o le a na vaaia nei le Ofisa o le Tausi Mavaega, Matagaluega o Leoleo ma le Pulega o Turisi a Samoa.”O le Falepuipui o le a tuuina atu ia Tialavea,”

O le Minisita mo Tupe Maua o Tialave Tionisio Hunt ua na pulea le Matagaluega o Falepuipui ma Auaunaga tau le Toe Fuata’ina –lea sa masani ona vaaia e Sala.  

E tusa ai ma Tuilaepa i le taimi nei-o le Ofisa o Turisi ma le Tausi Mavaega ua aveese mai ia Lautafi, le Minisita o ni matafaioi tetele se lua na te vaaia faatasi ma Tialavea. O loo umia pea e Lautafi le Matagaluega o Fefaatauaiga, Alamanuia ma Leipa ma le Matagaluega o Pisinisi a le Malo.

“O se tasi o mafuaga autu o lea fesuiaiga ona o nei Matagaluega, Leoleo ma Falepuipui e le masani ai ona tuu faatasi i lalo o se Minisita e tasi,” o le faaaliga lea a Tuilaepa. “O le mea e tupu mai (a vaai e le Minisita e to’atasi le Falepuipui ma Leoleo) o le a faapito le latou vaai i galuega tau leoleo ae faagalo Falepuipui.

 “O le vaega tele o atunuu i fafo-o le Minisita o Leoleo e ese mai le Minisita o Falepuipui.” Faai mai Tuilaepa sa na faataatia faapena lea tulaga ina ia mata’ituina ai ma vaai pe o le a lona faagasologa. “Sa ‘ou lagona e faapea o le mafaufau i ai e le afaina ai soo se mea,” o lana faaaliga lea.

Ae ua ‘ou vaaia e faapea o le mea o loo fai e isi atu e sa’o pe a eseese MInisita (mo le Falepuipui ma Leoleo). O le mea lea-i lenei taeao (ananafi) na amata ai Minisita i ni suiga fou.”

© Samoa Observer 2016

Developed by Samoa Observer in Apia