Mana’omia lava se galuega e tausi ai le aiga
E ao lava i pisini ona iloa le naunautaiga i tagata taitasi.
O le tele o tagata e le ausia nisi o tusi pasi e ao ai ona maua ni galuega ae o lo’o iai le taleni e le mafai e se tasi ona maua.
O lea tonu lava le manatu ia Asolupe Ropeti o Fusi Safata ma Matafele.
O lona foi manatu o le su’eina o le galuega e le’o se tulaga faigofie aemaise lava i tagata pei o ia.
“Ia pei foi o le lua tau mai, paua lava ia o galuega e maua e tagata e lei uma le aoga.
“E le mafai ona faigaluega i ofisa pe a lelei ni aoga, a le faigaluega lua o le auala e fai fa’atoaga.
“E leai se agaga ia te a’u ou te le fa’amalosia a’oa’oga, ae o le tulaga lava ia a lē lelei aoga e iai lava le naunautaiga i nisi o auala aua lava le tausiga o aiga ma le lumana’i manuia o fanau.
“Ia te a’u lava ia, e mo’i a e lē lelei ni aoga ae o lo’o ia te a’u se taleni e maua ai ni auala e saili seleni ai aua lava aiga ma fanau.
“Ae e le mafai ona ou tausia lo’u aiga pe a aunoa ma se galuega.
O lea foi le tulaga le naunauataiga o le fai maua se galuega.
“E to’a 10 tagata si o matou aiga, ma e leai se tasi e faigaluega e fesoasoani le tausiga o le aiga.
“O le maumaga o lo’o fa’amoemoe ai si o matou aiga, o nisi o taimi ou te su’e su’e galuea solo ai aua lava se tupe maua.
“E ui lava i ia auala o lo’o talosagaina lava se galuega mautu aua lava se fesoasoani mo le aiga.
“O a’u foi ga gata lava le aoga a’o 18 tausaga peitai o le ala foi lea o le leai se galuega lelei, ae ui i lea ou te mafaia lava so’o se galuega ma ou te ta’utino atu ou te faia galuega uma pe a tusa ai.
“O lo’o ia te a’u foi se naunautaiga ou te faigaluega ai ova taimi pe a tusa lava ma le naunautaiga e fia maua se galuega.
“Ou te lelei lava i so’o se galuega ma ou te fiafia foi e fa’asoa atu le tomai o le tausi aiga i nisi foi o lo’ o pei o a’u.
Mo se tasi e fia fesoasoani ma na te silafiaina foi se tasi e fia fesoasoani ia Asolupe e maua le feso’otaiga i le 7280492