Mana’omia le aiga se fesoasoani tau suavai

Tusia Aruna Lolani ma Fetalai Tuilulu’u ,

82 Hits

E mana’omia tele le suavai: Maria Sio.

E mana’omia tele le suavai: Maria Sio.

O le tele o tagata o lo’o talosagaina lava le fesoasoani le tulaga tau suavai, peitai o le aiga i Aleisa o le naunautaiga o le fia maua o se suavai mautû ma tumaoti mo ia ma son aiga. 

O le maua ia le fa’atalatalanoaga a le Fofoga o Samoa ma le tinā ia Maria Sio le aso ananafai sa ia fa’ailoa ia lē leai o se paipa e o’o atu i le vaega o lo’o nonofo ai talu lava na feola mai si o latou nu’u. 

“O matou nei o lo’o lelei lava mea uma. O lana lea tala. 

“O lo’o sologa lelei foi le tulaga tau le tausiga o aiga ma o le a lē toe o’o ai foi se fa’amatalaga. 

“Ae tasi lava le tulaga o lo’o mafatia ai nei o le leai se sauavai.

“Silafia foi, o matou sa matou feola mai lava i nei ma o le fa’afitauli lava lea e feagai ai ma si o matou aiga i aso uma o le leai se suavai. 

“Na talosagaina le matou suavai i tai le Pulega o suavai, peitai o le fa’amatalaga le ofisa, o le lata mai lava o le maua o le suavai o le tausaga 2020. 

“O a’u e ofo, ua fia tausaga o talosaga ae sau foi le tali e le mautonu. 

“Afai ae tele le aoga le suavai ia te outou e fa’apena foi le tele o se aoga ia te i matou foi.

“E mana’o mai lava si o matou aiga le suavai. 

Sa fa’aauau le fa’amatalaga ina u fa’apea mai e fa’atau le suavai. 

“Ia o le tulaga la tau suavai e fa’atau. 

“E $100 e fa’atumu ai le matou tane o lo’o tuãfalē. 

“Ae o le vaitau nei ua tele na le uma se vaiaso i se tane vai, ua $100 lava i le vaiaso aua le fa’atumuina o le tane vai. 

“O si o matou aiga foi e ova ma le to’a 10 tagata e nonofo ai, ia e mana’omia lava le vai i aso uma e nei tagata. 

“O le ala foi le ao lo’u fa’apea atu ua le toe uma le vaiaso i se tane vai. 

“O si o matou aiga foi e leai se tasi e faigaluega, o le maumaga lava o lo’o tua ia. 

“Pei ona taga’i atu o le afa o le fanua nei e tōtō ai talo ma fa’i. 

“O le ala faigata foi lea o le leai se suavai, aua e leiloa po fea le tupe e fa’atau ai le suavai ao fea foi le tupe e tausi ai  le aiga. 

O Maria e to’alua lana fanau ma o lo’o nonofo fa’atasi ma ona matua ma aiga o lona uso ma lona tuagane ma o lo’o mana’omia lava se fesoasoani tau suavai. 

Mo se tasi e fia fesoasoani me iloa ina se tasi e maua ai se fesoasoani o Maria ma lona aiga fa’afeso’otai le numera 7271754

© Samoa Observer 2016

Developed by Samoa Observer in Apia