Fa’amautu fuafuaga mo se kamupani va’alele tu’u-fa’atasi

Tusia Lanuola Tusani Tupufia ma Fa’aliliu e Maiava ,

145 Hits

President of French Polynesia, Edouard Fritch and the Minister of Justice and Courts Administration, Fa’aolesa Katopau Ainu’u at Faleolo International Airport.

President of French Polynesia, Edouard Fritch and the Minister of Justice and Courts Administration, Fa’aolesa Katopau Ainu’u at Faleolo International Airport.

Na saunoa le Peresetene o Farani Polenisia, na te talia le fuafuaga mo se maliega i le va o le kamupani va’alele o le Ea Tahiti Nui ma le Polenisia a Samoa. 

O lea fuafuaga e ono tele ai ni avanoa femalagaa’i iai vaega o le lalolagi.

Peita’i e sili atu le naunau o le Afioga a Tagaloa Edouard Fritch, e fa’atino o se “fuafuaga mautu” mo lea fa’amoemoe.

O lea “fuafuaga mautu”, e ono mo’omia ai le silasila toto’a i le pulea ma le fa’agaioia o se va’alele, e malo e lua.

Na saunoa fo’i Tagaloa, i lona lava iloa, ua mautinoa lava le faigata tele i se malo ona fa’agaioia o se kamupani va’alele.   

Na ta’ua, e masani lava ona una’ia kamupani tu-ma’oti e fa’atinoa lea ‘au’aunaga a’o iai pea le malo mo le ofoina atu o le fesoasoani.

O le tausaga talu ai, na sainia ai se Maliega Femalamalamaa’i i le va o le Polenisia ma le Ea Tahiti Nui, e amataina ai femalagaa’iga tu’u-sa’o i le va o Samoa ma Asia, Amerika i Matu ma Europa.

A’o le taimi o le fa’anofonofo a Tagaloa i le Aso Faraile talu ai, na fa’ailoa atu ai e le Palemia, Tuila’epa Sa’ilele Malielegaoi i le Ali’i Peresetene, o lo’o iai pea lona fa’amoemoe e galulue fa’atasi ma le kamupani va’alele a le Ea Tahiti Nui. 

 “O lo’o iai pea le fa’amoemoe ia faia o se maliega mo femalagaa’iga fai-fai-so’o i le va o o tatou atunu’u e fa’aleleia atili ai a tatou feso’ota’iga,” o le saunoaga lea a Tuila’epa.

“Manatua fo’i aso ua mavae, sa iai lava a tatou feso’ota’iga tu’u-sa’o ma ‘ou te fa’amoemoe, ia toe fafagu mai ma toe amataina ia feso’ota’iga.” 

Na talia fiafia e Tagaloa lea talosaga a Tuila’epa ma saunoa ai: “O lo’o matou talanoaina nei ma o lo’o tatalo fo’i ia Niu Sila ina ia ‘auai mo le faia o se fa’ai’uga lelei mo se poloketi mautu,” o le saunoaga lea a le Peresetene. 

“E le o se poloketi fou nei; sa iai lava i le 1970 a’o iai le kamupani tuai. A ‘ou te talitonu, o le poloketi lenei e ao ona fa’amautu pe a ua manana’o lea e fa’atino. O le a fa’amalosia atili ai fo’i le tatou so’otaga va-va-lalata i le Pasefika i Saute ma iloa ai fo’i lo tatou naunau mo le atina’eina o le tamaoaiga, ae maise i tulaga tau-turisi.” 

Na fa’ailoa fo’i e Tagaloa, le fuafuaga ina ia o’o atu lea ‘au’aunaga i isi motu o le Pasefika. 

“O le autu lea ma le fa’amoemoe. E mafai lava e le kamupani va’alele lea ona fa’aleleia le atina’e ma fa’amautuina ai fo’i so’otaga ia i le va o o tatou atunu’u.”

E le gata i lea vaega, ae manaia tele le iai o se va’alele laititi e 140 nofoa e amata ai malaga aga’i i San Francisco po’o Los Angeles, talu ai le to’atele o tagata Pasefika o lo’o aumai ai. Na tu’ua e le Ali’i Peresetene – le matai Toamua o Tagaloa Edouard Fritch ma le ‘Au-malaga, Samoa nei, i le afiafi ananafi.

© Samoa Observer 2016

Developed by Samoa Observer in Apia