Ta’aloga lona 20 o Fagotaga i Samoa
O le maea ai o le Tatalaga o le lona 20 o Ta’aloga o Fagotaga i le Aso To’ana’i na se’i mavae atu nei sa va’aia le lava tapena ai lea o e na auai mo lea fa’amoemoe.
O le tele o i latou nei e omai mai i Niu Sila ma na fa’amautu uma i le Faletalimalo o le Millenia. O le tele o i latou na tapuaia lenei fo’i tauvaga e aofia ai ma Patrick Willwork mai Niu Sila.
‘O a’u o se tasi e masani ona auai mai i lenei tauvaga” o lana tala mai lea. “O se mea ou te fiafia lava ou te sau ma auai ai, o le tele o taimi o se agaga fiafia e omai ai ma fetaui i tagata o le atunu’u lenei, ma o le mea lava lea ma la’u ia masani o le o’o mai lea i iinei i a Fepuari i tausaga uma,
“E le gata la mo le ta’aloga lenei ae o nisi foi o fiafiaga.
“O le tele lava la o taimi e matamata atu e ui ina le’o i ai se taimi e o’o atu ai mo se fagotaga,
O lenei tausaga e silia ma le 240 i latou na auai mai ma e ui ina tele nisi o fa’afiatuli e pei ona o latou maitauina e pei o le tuai mai ai o le tele o va’a e taunu’u mai.
Fai le tala a Willock e le o se mea lea e fa’ama’amulu mai ai lea fa’amoemoe.
“O lo’o gasolo le tele o mea ia ae leai se tulaga e faitioina ai le komiti ona o lea tulaga, ma e tele lava luitau ma e le o se mea e alofia lea tulaga,
Na ia saunoa fo’i e ui i le tele o mea uma nei ae latou te iloa o lo’o gasolo lelei mea uma.