Fa’amanatu le Toetu

By Ilia L Likou 02 April 2018, 12:00AM

O le i ai lenei vaitau o le Fa’amanatuina o le Maliu ma le Toetu o le Mesia i lenei vaitau taua mo le au Kerisiano o se itu taua tele.

O lea lava le autu o le tele o polokalame na alo atu ai le tele o ekalesia Kerisiano i totonu o le atunu’u e pei ona i ai le Metotisi i Falelauniu.

Na fa’ailoa e le Fa’afeagaiga ia Ioane le taua ai pea o fa’atasiga nei e fa’amanatuina ai nei aso taua.

“Ia o se tasi lenei o polokalame tu’ufa’asolo o lo’o ua i ai nei si o matou nei ekalesia.

“O fa’atinoga i tala ma pese ma le tele lava o vaega e fa’tinoina  o lo’o ua mafai ona molimoli mai ai lea talalelei.

“O se fa’amanatu foi lea i le au Kerisiano ina ia tutumau ma ia mausali le ola fa’atuatua i le Atua.

“O lea ala lava lea na maliu ai Iesu i luga o le satauro mo i tatou lana fanau agasala.

Na ia fa’ailoa o se polokalame na tu’ufa’atasia ina ia fai foi ma taufago i le soifuaga o lo’o ua i ai nei.

“Ia ua o tatou iloa ma silafia suiga o lo’o ua i ai nei le soifuaga o nai o tatou tagata.

“O se itu e ao ona silasila lelei i ai, ia aoga fa’atinoga e lauga i le taimi lenei e fesaosoani mo i tatou uma lava.

“Aemaise ai o lenei olaga o lo’o ua tatou i ai nei, ia aoga le maliu ma le Toetu o Iesu mo i tatou uma.

By Ilia L Likou 02 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>