Fia maua se fesoasoani
Na fa’ailoa e le tamā i a Palepoa Taimalie o Aleisa Sasa’e le faigata o lo’o ua feagai nei ma lo latou aiga.
Sa ia ta’ua le leai lea o se eletise, vai aemaise o lo latou fale e mana’omia le fa’aleleia.
“Ia e pei o vaega nei ua tuai lava ona fa’atino ona o le utiuti o le fa’asoa.
“O si o matou aiga ia e fa’alagolago lava le timu mo se suavai maua.
“Ua o tatou iloa uma lava le faigata o le olaga pe a leai se suavai e maua.
“O le uiga o la’u tala, e lelei lava pe a leai se eletise ae a leai loa se vai ia o le matua’i faigata lava.
E to’aono lo latou aiga ma e tasi lava le tagata o lo’o ua faigaluega.
“ia e pei o lea lava le tulaga o lo’o ua I ai nei.
“Ua o tatou iloa uma lava nei vaitau, o tupe lava mea uma.
“E le’o toe faigofie ona e la’ala’e i se aiga e fa’anoi mai so’o se vaega mo le lelei alu i luma o aiga ma mea faia.
“Ua mumusu tagata e fesoasoani ona o le faigata o le soifuaga ua i ai nei.
“O le tulaga lava tonu lava lea e pei ona ua maitauina.
Sa ia fa’afetaia aiga o lo’o ua fesoasoani mo lo latou aiga i so’o se itu aemaise lava o le suavai.
“Ia o lea e iloa lava ae o lo’o fua lava le tala le tupe le fa’atino o vaega mai lea taimi i lea taimi.
“O se itu e matua’i faigata lava i lo’u iloa i ai.
“E le mafai ona o tatou faia se vaega e aunoa ma so tatou malamalama lelei i ai.
‘O vaega uma e fa’atino ia e mo le lelei alu i luma , ae a leai se galuega e maua ai se tupe.
“O lona uiga ua faigata lava ona faia i ai se fuafuaga.
“E pei foi la o si o matou aiga, e pei o le fa’atuatuai lava o vaega uma ia o le lava o le fa’asoa.
“Ua faigata ai lava mea uma i lo’u iloa i ai aemaise o le aga’i atu ai le lumana’i.
“O le itu taua ia o tatou iloa le fa’atinoina o vaega uma, aemaise o le taumafai e ola i mea ua mafai ona maua.
‘E pei ona fa’ailoa atu muamua ia o le tupe lava le fa’afitauli o mea uma nei.