O moomooga o soo se matua ina ia iu lelei aoga a le fanau ma ia mafia ona maua e fanau so latou lumanai manuia e ala mai le ai le tausiga a matua.

O miti ia a le tina ia Puao Luafitu ma ii le afioaga o Laulii ma Sa’asa’ai,Savaii, na maua atu ele Fofoga o Samoa ao galue ai ma le tama o le aiga i le latou faatoaga.

“O le matou aiga e leai se isi e faigaluega na’o le to’aono lava le matou aiga o le ma fanau e toafa ia ma i maua, e leai seisi e faigaluega ua na’o le faatoaga lava le tali mo i matou ma le aiga” o lana tala mai lea i le Fofoga o Samoa.

E ao’oga uma le fanau a le tina ia Puao, ma o lana faamuamua lava lea o lo’o ave i lana fanau.

“O le tiute lava ia lea o le matua o le faa’aoogaina o fanau tusa lava po o le a le taugata if ea e taumafai lava e saili ma sue aua se lumanai manuia o fanau”

“O le matou suavai ma le eletise o lo’o lelei lava aua o lea lava e ola fua matou vai ma le faatanoa a le nuu sei vagana ai lava le pili o le moli o lo’o totogi.

“O mea faatino uma lava i le aiga e pei o faalavelave ua masani ai lava o tatou tagat o le faatoaga lava o lo’o sau ai le tupe e faatino ai ia mea uma.

O nisi o aiga o lo’o i atunuu i fafo o lo’o fesoasoani ma ii nisi itu e pei o pili a le fanau aoga ma nisi tulaga o lo’o moomia ai le fesoasoani.

“Tulaga ia tau seleni o lo’o fetaui lava aua pau ia o mea tetele o lo’o iai o le fanau aoga ma faalavelave.

Na ia taua foi, e moni lava ua taugata le soifuaga ae ua tatau ona faamasani ai o tatou tagata iai.

“O le aluga a ia o le olaga e agai i luma ama e leai ai lava se mea tatou te faiio ai fua aua o le olaga e agai i luma ma e faapena foi le tau o le doifuaga o lo’o agai lava i luma.

O lona manaoga ina ia maua se galuega e fesoasoani ai le tausiga o fanau ma le aiga.

“O le galuega lava e maua o lena lava pau le mea sili na taua ina ia maua se tupe aua le fa’aao’ogaina o fanau ma so latou lumanai mannuia.