Miti o le fiaavea ma fomai

Tusia Seia Soloi ,

94 Hits

Mo’omoo e fia avea ma Fomai: Simone Pu’a mai le Nuu o Vaimoso.

Mo’omoo e fia avea ma Fomai: Simone Pu’a mai le Nuu o Vaimoso. (Photo: Sei’a Soloi)

‘E fia avea a’u ma fomai mo le lumanai” o le tala mai lea a le alii ia Simone Pu’a mai i le afioaga o Vaimoso.

O Simone o le lona fa lea o le fanau e toaono a ona matua, ma o lo’o aoga ne ii le Kolisi o Sagato Iosefo ma o lana tausaga mulimuli lenei, ma o lo’o ia avea le mataupu o le Faa-saienisi ona o lona naunautaiga e fia avea ma fomai i le lumanai.

Ua avea se tasi o lona aiga ma tagata ua vaai ia Simone ma ua ia manatu ai o le a ona faaauauina lea tulaga o le avea lea o ia ma fomai.

“Ua leva ona ou miti e fia avea au ma fomai talu mai o o’u laititi out e fia fesoasoani i soo se taga o lo’o fia maua se fesoasoani i soo se itu out e faia, ma mo au ina ia taunuu la’u miti e tatau ona mautinoa o lo’o o’u galue ma le malosi aua le faalogologo tiga ae ia tauivi ma taumafai atili e faafiafiaina ai o’u matua aemaise lo’u aiga” o lana tala lea i le Fofoga o Samoa.

Na ia faaalia foi o le olaga e ese le faigata ae e le galue malosi mo lou lava lumanai e le maua se mea lelei.

“Tele luitau o leolaga o lo’o feagai ai pea ma le ola a ii aso uma o le itu lava tau seleni ma mea o lo’o faaaoga i totonu o le aoga e pei o tusi faitau ma isi e le lava lea, o leisi itu o lo’o avea a’u ma taitai o le aoga o le tele lava o taimi e faatino ai a’u galuega ae ua tele ai lava ina galo le tele o meaaoga ma o tupe lava mea uma ma o le naunautaiga na o matua ina ia lelei fanau mo le lumanai.

“O lo’u manaoga ina ia maua so’u galuega lelei ma maua ni tupe se tele aua le tausiga o aiga ma matua.

“O le tulaga moni lava ia o lo’u aiga e le’o se aiga e tele ni tupe ae o le naunautaiga lava o matua e saili se seleni aua le fa’aao’ogaina o i matou aua so matou lumanai manuia.

O matua o Simone ua avea nei ma tagata e taulai ai lana vaai ma luitau ai lana vaai aua lona ola galue malosi mo sona lumanai manuia.

“O lo’u tina o ia o se faiaoga ae o lo’u tama e galue i se fale fai-pau taavale, o le mea moni lava ia e le taitai gafatia e le totogi a o’u matua a matou pili aoga aua e toaono matou ma o lo’o ao’oga uma lava.

“A iu manuia aoga ma maua ni galuega, o le viiga a ia e foi i le Atua aua mea silisili ua na faia mo le tagata ae o le mea taua ina ia mafia ona iloa e lou aiga sau galuega o lo’o faia mo latou.

O le naunautaiga o lenei taulealea ina ia faataunuuina ma le manuia lana miti aua sona ia lumanai manuia aemaise lona aiga ma matua.

“O le a taumafai lava i le mea e gata ai le taumafai, e taua ai lava le toaga e suesue ma faitau tusi aemaise ina ia aua nei ola augata ma fiu gofie aua le sailiina lea o le lumanai manuia mo le tausiga o aiga ma matua.

© Samoa Observer 2016

Developed by Samoa Observer in Apia