Manatu o le Fa’atonu - Ua o’o i le taimi

Tusia Mata’afa Keni Lesa ,

120 Hits

O le Lua e mautinoa lava e sili atu ona lelei i lo le leai o se mea. Ma-a pa’ia loa Faailoga Tau Taaloga, o le faapea o le a vave ona lua ni taimi o le a faaaloalogia ai alii taaalo e sili ona lelei a Samoa, tamaitai taaalo, o e faafoeina –o se mea uiga ese lea e faatupu manatu. O le mea moni ua leva lea taimi i le va o mea inu. 

E le gata ina faatupu manatu, ae mautinoa lava e aunoa ma se masalo-ua te’a mamao lea taimi, pe a tuu i le mea moni e faapea o Faailoga Tau Taaloga mulimuli-sa faatino i taimi ua leva i le 2007. Poo le a lava, masalo o le leai o se sauniga tau Faailoga e aloa’ia ai le tulaga lelei i matati’a tau taaloga ua le mafai ona tautalagia i se tulaga e sili ona sa’o atoatoa e tusa ai ma le tulaga tau taaloga i totonu o Samoa.

O le mea moni e faapea e ui lava ina toatele atalii ma afafine o tagata Samoa o loo fai ma sui o isi atunuu ua matua lauiloa i latou taaloga faapitoa faatasi ai ma le anoano o le tulaga faamanuiaina (ae paga lea), ua faigata lava ona ta’u atu lea lava mea e uiga i le vaaiga i totonu o le atunuu.

Ae peita’i-e le faapea ua tatau ona tatou valiina tagata uma lava i le pulumu vali fale e tasi. Ua matou fai atu faapenei ma le iloa lelei e anoano tagata ta’ito’atasi o loo matua galulue ma faalapotopotoga ia o loo faatinoina le mea sili latou te mafaia pe a fua i le anoano o lu’itau o loo latou faafeagai ai. 

Afai matou te faamaoni ia i matou lava, o le faatiga ma lu’itau pe a pa’ia le atiina a’e o taaloga i totonu o Samoa e le fou.  O le tasi o pa-pupuni aupito i tele e faapea o tagata taaalo e masani ona tulaga lua i e pulea ia e faananau i le paoa ma tuu atu i latou i luga a’e o mea uma –e aofia ai tagata tonu lava ia e tatau ona faamuamua. Ona o lea tulaga, ua mafua ai ona le maua e tagata taalo le lagolago ma le faamuamua e tatau ona latou maua. Ma e tautala faaiuga mo i latou lava. Ona soso ai lea ma isi lava lu’itau. E tumau pea ona i ai le mataupu tau tupe, le le lava o ni tauvaga lelei, o faia’oga, o le loloto pe a pa’ia tagata taaalo e filifili mai ai ma isi lava mea. 

Ma-e le’i amataina sa matou faamatalaga e uiga i le tulaga maualuga lea e maua mai ai siamupini ma tuu eseese mai ia i latou e pito i ai. O le ituaiga o faiga tau taaloga e faasino i galuega faatino a se tagata taalo mai le taimi latou te ala mai ai se’ia o’o i le taimi e moe ai i le moega. O le mea e mata’itua a latou taumafa mai le suavai latou te inuina e o’o lava i fasi mea’ai uma e tu’u atu i o latou fofoga. I Samoa nei, e matua faigofie lava le mea moni. O a tatou tagata taaalo e matua koleni, e matua kolen i lava. Ae a latou o atu loa i latou aiga e leai se mea e maua ai vagana i le falai elegy poo moa falai ma alaisa, ona toe maumau uma lava lea o lea galuega mamafa sa fai. Ioe, e tiga le mea moni ma o le mea lava lena e o’o i ai. 

I le taimi nei o lea ua matou oso ese teisi ma le ala iinei e tusa ai ma le tatou mataupu autu ae o la’u mate e tatau lava ona faaalia le mataupu e faapea o nisi o faalapotopotoga tau taaloga, tagata taaalo, o e pulea ma faafoeina-e ui lava i lu’itau uma ma tulaga e le fiafia ai-ae tatau lava ona aloa’ia mo le latou galuega fita.Ma o le aano lena o ni Faailoga Tau Taaloga se luau a fuafua ma ua tapenapena e faatino. Muamua-o loo i ai se tasi o loo faamaopoopoina i le taimi nei e le Faalapotopotoga o Taaloga a Samoa ma le National Olympic Committee (S.A.S.N.O.C) mo le aso 16 o Aperila 2016.

Fai mai le Peresete o le S.A.S.N.O.C., o Fepulea’i Patrick Fepulea’i, o le fuafuaga mo lea sauniga na amata i le tausaga talu ai ma o lo latou faamoemoe ia le toe faia lea mea sese o le faatali mo le valu tausaga ona faatoa o’o lea i le isi e soso’o ai.

E iva faailoga ua fuafuaina. O loo filo i na faailoga se faailoga mo Alii Taalo Tiunia, Tama’itai taalo Tiunia, Alii Taalo Sinia, Tama’itai Taalo Sinia, Faia’oga o le Tausaga, Pule, Tagata Taalo e le atoatoa le malosi ma le Faailoga Sili. O lona lua o Faailoga Tau Taaloga o le faailoga lea na faamaopoopoina e le Ta’imua Samoa 2015 i lalo o le Polokalame o le Taitaiga o Samoa. Ua faatulaga mo le faaiuga o le tausaga, o le sauniga o Faailoga na tatala aloa’ia  i le Aso Tofi. O se tagata autu o loo lautua i ia Faailoga o le Ofisa Sili lea o Pulega o le Leadership Samoa, o Seumanu Douglas Ngau Chun. “O Taaloga o se mea lea e tasi e fusi faatasi ai lenei malo ma ua matou molimauina e faapea o le faagasologa o siamupini a le lalolagi i le 2010, o mea uma lava e faasino i taaloga o loo i i se tulaga lelei e faaosofia ai malo,” o lana faaaliga lea.

 “A lelei ni taumafaiga a se tagata taalo mo Samoa-o lona uiga-o le a fiafia faatasi le malo ma faagalo ai a latou faafitauli uma. “

Matou te matua lagolagoina lea tulaga. E faapena le paoa o taaloga ma o le pogai lea e tatau ai ona aloa’ia a tatou tama’ita’i ma alii taaalo. E tusa ai ma Aiono Nafo’i Peseta, o le Taitaifono lea o le Ta’imua Samoa, o sauniga mo faailoga o se faamanatuina lea o taleni, tulaga manuia ma mea ua ‘ausia, e una’ia ai  i latou ma se tupulaga fou ia o le a mulimuli i le latou faagasologa. 

Mo Faailoga a le Ta’imua Samoa , o le a 12 faailoga i lea po. O ia faailoga e aofia ai:  Le Tamaitai Taalo Tiunia o le Tausaga, Alii Taalo Tiunia o le Tausaga, Pule o Taaloga o le Tausaga,  Pule o le Tausaga, Faia’oga o le Tausaga,  ‘Au-taalo o le Tausaga, Tagata taalo ua Faamalosia e le o atoatoa le malosi o le Tausaga,  Tama’itai Taalo o le Tausaga, Alii Taalo o le Tausaga, Vaega/Faalapotopotoga tau Taaloga o le Tausaga, faailoa o le matati’a ua ‘ausia i le Olaga ma leTagata Taalo o le Tausaga.  O nei faailoga e aunoa ma se masalo o ni faailoga uiga ese. Ae peitai- o a ni mea e maua soo i nei sauniga tau Faailoga? 

E to’alua o le a sailia nisi e lagolagoina-masalo mai ia lava kamupani e faatino ai nei faailoga. Ma e le o se mea e faigofie. 

Ona tatou taunuu mai ai lea i le mataupu masalo o ia faailoga e lua e tatau ona toe faaopoopo i ai se vaega se tasi i le latou lisi. O lena tulaga e tatau ona avea ma faailoga e aloa’ia ai pisinisi, tagata ta’ito’atasi ma kamupani ia latou te tuuina mai tupe e leai se tapulaa o loo faagaoioi ai pea Taaloga a Samoa mai aso ua mavae ma faagasolo atu ai lava i le lumana’i  O lea a sou taofi? 

I le taimi nei, ua faigata ona matou faatali ona o le fia iloa pe o ai o le a faa-paleina.

Ia outou maua Samoa se faaiuga matagofie o le vaiaso ma ia faamanuia atu le Atua! 

 

Faaliliu e Seagaitumua Tupuola

© Samoa Observer 2016

Developed by Samoa Observer in Apia