O la’u galuega mo lo’u aiga

Tusia Fetalai Tuilulu’u ,

79 Hits

Mulivai Setagi Silao.

Mulivai Setagi Silao. (Photo: Fetalai Tuilulu’u)

“Leai se galuega leai se mea’ai, leai se mea’ai leai se ola. 

O le maua ai o le fa’atalatalanoaga ma le tamā mātua ia Mulivai Setagi Silao, 66  tausaga le mātua le soifua le aso ananfai sa ia fa’ailoa ia le tulaga foi o lo’o fia maua ia e ia se fesoasoani. 

“Mo le silafia o a’u sa faigaluega i le va’aina po le fa’amāmāina o le fanua lea a le Samoa Land i nei iā mātou.

“E ova ma le 5 tausaga o faia la’u galuega peitai o le masina na te’a nei sa fa’ailoa  mai ai e le vaega o’u te malõlõ te le toe va’aia le fanau ona o ua ou māua. 

“Silafia foi, e leai se alagatupe si o mātou aiga ua na’o a’u lava o lo’o fa’amoemoe ai peitai o se lagona fiagata ma le fa’anoanoa ina ua maua mai le tala ou te le toe faigaluega. 

“O a’u tausaga mo le silafia, e le faitaulia i a’u galuega fai. 

“Ua fai foi si umi ona ou galuega ma va’aia le fanua ma ua ou maani foi i feau fai. 

“O le ala foi lea ua maua ai le avanoa e tusi talosaga atu ai i le ofisa mamalu o le Samoa Land e fa’afoi mai lata galuega i ota lima ona e na’o le pau lava lea o le itū o lo’o maua ai se seleni. 

O le galuega i le tama ia Mulivai sa faia lava atoa ai ma le fesoasoani o si ona to’alua ma lana fanau aua foi o lo’o iloa o le latou alagatupe lea o lo’o fa’amoemoe ai.

“E fesoasoani malosi lava si o’u toalua ma si a’u fanau i la’u galuega fai ma e māmā ai foi le matou avega pe mātou galulue fa’atasi.

“Ae ui i lea ua ou le toe faigaluega ua avea foi lea ma tūlaga fa’anoanoa ona o le leai se seleni maua aua lava le aiga ae mai se le fanau.

“O lea foi la ua tonu ai le mafaufau ma le tinā le aiga e ave tamaiti pe liliu le fanau i aiga Niu Sila āua e ta’u māmā atu lava e leai se tupe ma e lē lava foi le fa’asoa aua lava le fanau. 

“O le taimi nei o lo’o fa’amoemoe i le penisione e maua ai sina tupe ma fa’atalitali ai se tali mai o le Samoa Land i le talosaga na ave ai i se avanoa se tasi out e faigaluega ia. 

“Ou te ta’u atu foi na’o o’u tausaga e matua ae o le malosi lava o lo’o seki mea uma e galue ai pea aua aiga.

© Samoa Observer 2016

Developed by Samoa Observer in Apia