Auai Tuilaepa i le Fa’ailogaina o le Tuto’atasi a Nauru

By Deidre Tautua-Fanene 02 February 2018, 12:00AM

O le ta’ita’i o le malo o Samoa Tuilaepa Sailele Malielegaoi, fa’atasi ai ma nisi o ta’ita’i o malo mai isi atunuu o lo’o auai atu i le fa’ailogaina o le 50 tausaga talu ona tuto’atasi le malo o Nauru.

O Tuilaepa o le taitaifono fo’i lea o le Pacific Islands Forum Meeting ma o lo’o auai fa’atasi ma lona faletua, Gillian Malielegaoi, Ofisa Sili o le Matagaluega a le Palemia ma le Kapeneta Agafili Shem Leota ma nisi o sui auai mai le malo.

O le aso 31 o Ianuari sa saoloto mai ai Nauru mai lalo o pulega a le malo o Ausetalia.

O le vaiaso atoa lenei o lo’o fa’amanatuina ai e Nauru lenei pine fa’amau e ala i le valaauliaina o ta’ita’i mai malo o le lalolagi ina ia latou fiafia fa’atasi.

By Deidre Tautua-Fanene 02 February 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>