O tupulaga o lumana’i manuia
“Ia o lea le fa’amoemoega ua i ai nei si o tatou atunu’u ia o tupulaga talavou ia lelei ma manuia i le aga’i i le lumana’i.” le ali’I talavou i a Posesala Posesala o Nu’u Fou ma Lefagaoali’i.
O le tele ai o faitioga o lo’o ua i ai nei ona o vaega o lo’o taumafai ai mo le lelei lautele o se tasi lenei o fesili o lo’o fesiligia pea e o’o mai le taimi lenei e le to’atele e nai o tatou tagata.
“Ia o a’u lava ia e amata mai lava i totonu o aiga, le fa’aletonu olo’o ua maitauina nei i totonu o aiga, ma o se vaega e ao ona o tatou silasila i ai.
“Aua fo’i o totonu o aiga e amata mai ai so’o se taumafaiga lava, a lelei aiga o le lelei fo’i lea ole fa’atinoina o so’o se matafaioi tauaave i le olaga atoa o so’o se tagata.
“Ia ua ua matutua le fanau, ma ua fiu lava matua e taumafai e una’i atu ae ua leai lava se toe fia fa’alogo i le taimi lenei.
“Ia ole tele fo’i o suiga ua i ai nei, ia ua fa’apea ona fa’alavelaveina lava i le tele o suiga mai fafo olo’o ua ofi mai nei i totonu o Samoa.
“E ao lava ona o tatou fa’aetete i ai,aua e le lelei lea mo le aga’I atu ai le lumana’i.
Na ia ta’ua o lo’o galue lava fo’I le atina’eina ofanau I le Ofisa o Soka aua lava le atina’eina o nai fanau iti.
“Ia o le talitonuga lava lea ua i ai nei a lelei ona atina’e fanau o le lelei fo’i lea o aiga.
“E tatau fo’i i fanau ia ona usita’i lelei fo’i i matua aua o le manuia lea maua mai ai.
“E le fa’apea fo’i o le a soona fai le alofa atu o matua, a ia pulea lelei loto o tupulaga ia lelei ai lava lea ole aga’i atu ai le lumanai.