Ave le fa’amuamua i fanau

Tusia Ilia L. Likou ma Seia Soloi ,

120 Hits

Talitau Fanene, 40 le matua o le soifua o Toamua.

Talitau Fanene, 40 le matua o le soifua o Toamua. (Photo: Seia Soloi)

O le aso ananafi na maua ai le fa’atalatalanoaga ma le tamā i a Talitau Fanene, 40 le matua o le soifua o Toamua.

“Ia e fa’amuamua aoga a le fanau, pei o le mea lea ua fai ai ia mea ina ia fesoasoani ai I fanau ma a latou aoga. ’ o le talitonuga o Talitau aua le ola manuia ai o lana fanau mo le lumana’i.

 O le galuega masani a le tama ia Talitau I taeao uma, o le tapenaina ma le kukaina lea o kekepuaa e silia  ma le 200 le aofai i le aso.

“Ia e ta’I $1 i le kekepua’a ma o lo’o mafai ona kilivaina ma fa’atauina atu i se tasi o faleoloa o I totonu o lo matou nu’u.

“E tusa ma le $60 le polofiti e maua mai, mai le $100 le tupe e maua mai le fa’atauina o kekepua’a, ia ona aveese ai fo’i lea o le tau o le pusamoa ma le taga falaoamata.

O Talitau o loo nonofo ma lona aiga i Toamua ma e to’atolu o la’ua alo ma le tinā o le aiga.

“O le naunautaiga o Talitau, a atamai a le tamaitiiti po le teineitiiti aoga o lea le taumate le maua ai lea o le lumanai manuia ma fesoasoani ai I matua ma aiga.

“ E leai se si o lou aiga o faigaluega ae o le kekepuaa ua avea nei ma alagatupe maua mo a’u mo le tausia ai o si a’u fanau.

“Ia aua le totogiina o pili a tamaiti, pili o le vai ma le moli aemaise o se meaai mo le vaiaso atoa.

O le talitonuga o Talitau ua taugata le soifuaga.

“Ua l’o toe faigofie fo’I, ua le toe tutusa foi aso, aua o tupe uma mea uma.

© Samoa Observer 2016

Developed by Samoa Observer in Apia