Va’alele fou a le Kamupani o le Talofa Airways

222 Hits

VA’ALELE FOU MO FEMALAGAA’IGA A SAMOA: Ituaiga va’alele o lo’o talia le taunu’u mai e si’itia ai femalagaa’iga i le va o Apia ma isi atunu’u o le Pasefika.

VA’ALELE FOU MO FEMALAGAA’IGA A SAMOA: Ituaiga va’alele o lo’o talia le taunu’u mai e si’itia ai femalagaa’iga i le va o Apia ma isi atunu’u o le Pasefika.

Ripotia e Lanuola Tusani Tupufia

Fa’aliliu e Maiava 

 

E foliga o le a tele avanoa e fai ai filifiliga a le mamalu o le atunu’u fa’apea le Pasefika atoa i tulaga tau-femalagaa’i i va’alele.

O lo’o fa’aauau pea ona finau se kamupani-va’alele fou o le Talofa Airways Ltd (TAL) e ana fuafuaga e atoa iai le tolu o kamupani-va’alele e pulea ma fa’agaioia e tagata-nuu Samoa.

O lo’o fa’atinoina nei taumafaiga a le kamupani-va’alele lea, e ‘aumaia ni va’alele laiti se lua mai le Iunaite Setete o Amerika, e amata ai ana taumafaiga mo le aga’i i luma.

I se fa’atalanoaga ma le Samoa Observer ananafi, na fa’amaonia ai e le sa avea muamua ma Ofisa Sili o Pulega a le Polenisia, o Taua Fata Tielu, lea fa’amoemoe.   

O lo’o a’afia ai Taua i le fa’agaioia o lea kamupani-va’alele fou.

“O lo’o i le Iunaite Setete o Amerika i le taimi nei, le ali’i o Jeffery e ‘aumai va’alele ia,” o se fa’aaliga lea a Taua.

“E tatau ona taunu’u mai i le vaiaso fou ma o lo’o fuafua e amata femalagaa’iga ia Aperila.”

O Toleafoa Jeffrey Hunter, o le faufautua lea a le kamupani ma o se tasi sa avea ma Ali’i Pule o Femalagaa’iga a’o i le kamupani a le Polenisia.

E le’i fa’ailoa maia e Taua nisi fa’amatalaga se tele nai lo le fa’apea mai, o lo’o fa’atali ia Toleafoa se’ia taunu’u mai. Ae na ta’ua, o le a iai se ofisa mo le Talofa Airways e fa’atuina i le nofoaga o lo’o iai le faletalavai – le Maria’s Pharmacy i Taufusi.

O Iulai o le tausaga ua mavae, na ta’ua ai e Toleafoa, e o’o atu ia Setema ua iloa le aso e amata ai femalagaa’iga.

O le a femalagaa’i va’alele a le kamupani fou lea, i vaega ‘ese’ese o le Pasefika e aofia ai Amerika Samoa mo le taimi amata. 

Sa faitioina e pasese – ae maise nisi sa masani ona femalagaa’i i le va o Samoa nei ma Amerika Samoa - ona o fa’afitauli sa feagai ma latou i le faia o avanoa e malaga ai talu le to’atele o nisi e fia maua ni avanoa e malaga ai. 

I le taimi nei, e lua kamuani-va’alele o lo’o iai pea; o le Kamupani Va’alele a le Polenisia ma le Samoa Air e pulea e Chris Langton.

© Samoa Observer 2016

Developed by Samoa Observer in Apia