Sauniga fa’apitoa mo le tu’uina i lalo le Malumalu o le Ekalesia Metotisi i Salani Falealili

712 Hits

Lana Afioga i le Ao Mamalu o Samoa, Tui Atua Tupua Tamasese Efi ma lana masiofo, Filifilia Tamasese Efi

Lana Afioga i le Ao Mamalu o Samoa, Tui Atua Tupua Tamasese Efi ma lana masiofo, Filifilia Tamasese Efi

Tusia - Ilia L Likou

 

Na fa’ataunu’uina lea fa’amoemoe i le Aso Sa ma o le 33 a’i lea o tausaga o le Malumalu lenei a le Atua i totonu o le afio’aga.

O lea sauniga taua e talosia ai fo’i ma le ‘amataina o le galuega aua se isi Malumalu Tapua’i fou mo le Atua.

O le Susuga i le Fa’afeagaiga i a (Sea) Poasa Leaupepe na ia ta’ita’iina le sauniga.

I le tala oto’oto o le Ekalesia i totonu o le afio’aga lea na saunoa ai le Susuga i le Fa’afegaiga i a Tupea Seumanu o lo’o galue i le taimi lenei, na ia fa’amaonia ai o le 1847 na amata ai le galuega a le Atua i totonu o le Ekalesia i Salani Falealili ma o le tamā, o ia foi  o se matai i le afio’aga i a Sefuiva Sosiua na ia fa’atuina le Ekalesia i totonu o Salani.

E fa’apea le tala’aga oto’oto o le Ekalesia, o le tausaga e 1840 na toe taliu ai i Toga nisi o Misionare a le Ekalesia ona o nisi o fe’ese’eseaiga ma o le tausaga fo’i lea na malaga atu ai ma nisi o tamā matutua o le atunu’u i Toga e talosagaina ni Misionare e latou te fa’aauauina le galuega i Samoa nei ona ua amata ona ola le Ekalesia.

O tamā matutua na malaga i lea lava tausaga (1840) o Sefuiva Sosiua o Salani Falealili, Ala’iasa o Falefa ma Samuena mai Vailele.

Na tali lelei le o’o atu o’i latou nei ma toe auina mai ai loa i Samoa Misionare  e to’alua mai Toga o o la’ua suafa o Peniamina Latuvalu and Panapasa Agalu.

O le faife’au muamua lava i totonu o Salani o le Susuga i a Faimata Ali’imanu i le tausaga e 1962.

O Rev. Noa Aiono o le lona lua a’i  faife’au a Salani ma o ia fo’i na ia fausia le Malumalu Tapua’i muamua mo le Ekalesia talu mai lona fa’avaeina i le 1847 aua na fa’atinoina lava sauniga i totonu o le faleva’a mai lava i lona amataga.

O le Susuga i a Rev. Misilei Asiata o ia o le Faifeau lona 18 i Salani na ia fausia le Malumalu o le Atua lea e o’o mai i le taimi lenei o lo’o i ai i le tausaga e 1983.

O Lana Afioga i le Ao Mamalu o le Malo o Samoa i a Tui Atua Tupua Tamasese Efi ma Lana masiofo, na ‘auai fo’i i lea sauniga fa’apitoa ma na ia malele fo’i e fa’afetaia ma fa’amanuia le galuega tele o le a alo atu ai nei le Ekalesia Metotisi i Salani Falealili.

 

O le lisi lenei o A’oa’o ma le ‘Au Leoleo aemaise o ‘Auauna a le Atua na galulue i totonu o Salani mai le 1912-2016.

 

1. Lalomilo – 1912-1918, 2. Tanielu – 1918-1924,3.  Setefano – 1924-1929, 4. Hakai - 1929-1935, 5. Fatu-1935-1943, 6. Siala – 1947-1951, 7. Foisa 1947-1951, 8. Kalapani 1951-1952, 9. Mailei 1952 – 1953, 10. Siliu 1953 – 1954, 11. Taulelei 1954-1960.

12. Rev. Faimata Ali’imalemanu-1960-1962, 13.Rev. Noa Aiono – 1962-1963, 14.Rev. Su’e Su’a – 1963-1966, 15.Rev. Viki Tupa’i - 1966 -1968, 16.Rev. Sega Aufa’i 1966-1968, 17.Rev. Vili Iosua - 1969-1976, 18.Rev. Misilei Asiata – 1976-1983, 19.Rev. Sa’olotoga Lefua – 1983 – 1990, 20.Rev. Fa’ai’u Ierome – 1990-1997, 21.Rev Taeao Matua 1997-2004, 22. Rev Iosia Faleupolu 2004-2011 and 23. Rev. Tupea Seumanu.

© Samoa Observer 2016

Developed by Samoa Observer in Apia