Na maua le avanoa e faatalatalanoa ai e le Fofoga o Samoa le taulealea ia Isaia Posenai ma maua ai le tausailia ai e le taule’ale’a se galuega.

Isaia Posenai e faatino lava ana ia galuega faainisinia I totonu lava o lona aiga ma lona lava afioaga e pei ona ia faailoa I le Fofoga o Samoa.

“ O au ou tele lē faigaluega ae e fai lava au galuega mo aiga o loo manaomia lea foi auaunaga Faainisia. Ma e tele lava na faatino lava I laoa ma maota o aiga ma o se tasi lea o alagatupe maua mo lou aiga.”

Sa faailoa foi e Posenai le tulaga faigata ma le taugata o le soifuaga o loo ia vaaia nei.

“ O se alagatupe maua mautu lava mo au ma lou aiga atoa o le galuega o loo galue ai nei lou tuafafine faatasi ai ma a’u galuega o loo faatinoina e ala lea I le toe siakiina o taavale a aiga o loo fesoasoani lea.”

O le tele lava o au galuega e fai lea I Aiga ona o lau talitonuga ina silasila ma le totoa iai le tagata e onaina le taavale o loo lelei le faatinoina o le galuega. Aua o le taimi nei ua faigata foi ona toe talitonuina le faatinoina o ia ituaiga galuega.

“ O lou faanaunautaiga ia maua se isi au galuega e fesoasoani tele lea mo au faapea ai ma le tausiga o lou aiga.”

“ I le taimi nei e matuai faigata lava ona tausi le aiga ona ol e tulaga tau tupe maua. Aemaise le faatinoina o faalavelave faale-aiga ma le nu’u.’

Mafai ona faafesoota’I Isaia Posenai I le numera +685 7755316