Ia alo ese mai fa’afitauli

By Ilia L Likou 01 October 2017, 12:00AM

O le maua ai o le fa’atalatalanoaga a le Fofoga o Samoa ma le ali’i i a Senio Mika o Leauva’a i le aso ananafi na ia fa’ailoa ai o le taimi lenei o lo’o sologa lelei mea uma.

“Ia e le’i mafai ona maua se galuega aua e i ai fo’i nisi o vaega o lo’o ua mana’omia ai le fesoasoani e pei o le tausia o aiga."

“E pei e leai fo’i nisi o si o matou aiga, e pei o le mafua’aga tonu lava lea o lo’o ua le su’ea ai se galuega."

Na ia fa’ailoa e ui i le taugata o le soifuaga ae  o lo’o fa’apea ona ola ai lava i le taimi lenei.

“Ia ua iloa uma lava lea tulaga i le taugata o le tau o le soifuaga o lo’o ua i ai nei, ma e leai lava se isi mea e mafai ona fai ai."

“E pau le tulaga o le iloa lava ona fa’asoasoa i aiga, ia e feololo ai, ma nai tagata faigaluega o lo’o fesoasoani mai le taimi lenei."

O lona finagalo e le mafai lava ona fa’atino o se i si faiga i ai.

“Ia e pau lava le mea a tatou o le taumafai lava ina ia ola ai pea atonu e alu alu alofa mai le malo."

E ese mai ai ma le tau o le soifuga na te’ena e ia le tulaga e pei o tupulaga o le mafua’aga lea o le tele o le mau fa’alavelave i le taimi lenei.

“Ia e le fa’apea o tupulaga uma, ae ala fo’i ona tutupu fa’afitauli i le tele o matou o tupulaga ia o le tulaga lava lea o le le usita’i ma le ova lava o le ava malosi."

“Ae o lo’u iloa i ai , a iloa lava e le tagata fai le soifuaga o lo’o soifua ma ola ai le taimi lenei, e leai lava se vaega e faigata ai."

“E pei o lea lava le soifuaga o lo’o i ai le taimi lenei, ma o le tulaga lea e tatau ona i ai, e o’o mai lava i le taimi lenei."

“O le ola lava e fa’alogo i matua ma tagata matutua ia e fesoasoani ai le tele o faigata e pei ona ua alia’e mai nei  i  lo tatou soifuaga."

“Ae o lo’o manuia mea uma."

By Ilia L Likou 01 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>