O TAUPOU O NUU MA O LATOU SUAFA

424 Hits

I se tasi itu, o le taimi lava e maua ai e se tamaitai lea suafa, e lē toe faapito  o ia i lona aiga, ae ua ulufale atu i se soifuaga, e tautua ai mo le nuu atoa, lea foi o le a tautua atu ia te ia e tusa ai ma lona tulaga taupou. O lona nofoaga autu e mau ai o se fale tele o le alii o le nuu; o le fale foi lea e tofafā ai ma tama’itai o le nuu, poo le ‘aualuma’; o se nofoaga foi lea a o’o i le taimi o le afiafi ua tineia uma ai afi; e sa taputapu ona toe ulufale i ai se alii talavou o le nuu.

E faapea foi i le taimi o loo faagasolo ai lea tapu, ona sa  ona toe fesoota’i o se tasi o i latou ma lea tamaitai, se’ia vagana ai alo o tulafale ua lautogia e faia se auaunaga faapitoa i lea maota e pei o le “palepale-aualuma.” O i latou ia e tatau ona faalatalata i lea maota i taimi uma lava. O lea tapu e mafua ona o le ‘va tapuia’ o le tuagane ma le tuafafine; ia e masani ona talatalanoa i se agaga taofiofi, talu ai le matua faaeteete tele ina ne’i sasi se upu; ma e o’o lava i tagata latou te soo-tino, e matua faaeteete tele ina ne’i sasi se upu.

O soo se tasi lava na te iloa ni tamaitai matutua o Samoa e mafai foi ona latou faamaonia le faaeteete tele i le gagana e faaaoga i nei talanoaga. O le pogai lea –e matua faamalosia ai le sootaga a alii talavou ma tamaitai i totonu o nuu; ma o le pogai lea sa manatu ai nisi alii talavou e lelei ona o i se isi nuu ina ia maua ai lea mafutaga. Ae ui o lea, o lea faiga e sui pe a taunuu ni malo i le nuu; ma o le taimi fiafia lena mo tamaitai. O le taupou-o le talimalo lea e tula’i i luma o sauniga uma.

O le pogai lea e matua naunau ai lava tamaitai matutua e a’oa’o lelei le siva poo le sa’asa’a a le latou taupou a’o itiiti lava, ma a’oa’o o ia e faaaoga le lalelei faale-natura o fuagalaau, asoa, ‘ula ma lona titi; o le pogai foi lea e faatonu ai le taupou i lea tausaga ma lea tausaga i le paluina o le ‘ava mo malo ma faafiafia ia i latou; pe afai e leai se taupou o auai i se malaga.Ae ui o lea, afai o lea ‘aumalaga o ni tamalii, o le a leai se tapulaa o lo latou fiafia, aua o le a lologo le nuu atoa ia latou fiafia i le ao ma le po.

O nei la taligā-malo faapea foi ma isi lava sauniga faamanatu ia e aafia ai le nuu atoa, aemaise ai lava le taimi o ‘taalolo’ mo alii; o le taupou lava e masani ona faatinoina matafaioi autu. E fai lona tuiga; o lona Palefuiono e fusi ai lona muaulu; o le ‘ulā-nifo ‘ae lavalava i le ‘ietoga ma le anoano o fugalaau felanulanua’i ma lona tino ua u’u faa-manogi i le suau’u. E faapea foi la’ei o isi taupou ma manaia o le itumalo; ma ua sisiva ma uatogi ma aga’i atu i le malae ma taumafa ma tuu atu i luma o le Alii Sili ma ususū.

O ia sauniga uma e taualuga lava i le Poula. O le faateleina pea o le tulaga lauiloa ma le ‘aulelei o nei taupou; na pogai ai ona faateleina le aofai o ‘soa’ o alii- e pei o le tala a Savaii ia Tigilau. O le taimi la e tutū mai ai aumoega i le taupou, o le taimi foi lea e toe filifili ai e le Tamalii se tasi e suitulaga i lana taupou pe a fai sona aiga 

© Samoa Observer 2016

Developed by Samoa Observer in Apia