Ole naunautaiga ole fia avea ma se tagata folau

By Aruna Lolani 01 August 2017, 12:00AM

O le tama lenei o Sanele Siloto.

E 21 ona tausaga mai le nuu o Tiapapata ma Tufulele

O mana’oga o Sanele o le avea lea o ai ma se tagata folau.

“O au o se tamaitiiti aoga ole Samoa Shipping Corpoaration’s Maritime Academy i Mulinuu,” o lana tala mai lea i le Fofoga o Samoa.

“Na ou fa’au’u ile tausaga ua te’a ae mo le taimi lenei olo’o o’u fa’atali mo se valaau; mo se va’a olea ou galue ai.”

O le aiga o Sanele e iai nai ona matua ma nai ona tei e to’afa.

“O lo’u tama, ua na’o ia lava e faigaluega; ma ua na o ia lava matou te faamoemoe iai mo se tupe pea mana’omia.

“O le mafua’aga lea ua ou tauivi ai i lo’u aoga ina ia mafai ona faataunuuina ou faamoemoega ma avea ai au ma se tasi e fesoasoani malosi i si ou aiga aemaise si ou tama.

“Ua ou sauni oute alu i le mamao ma atia’e sou faamoemoega mo lou olaga.

Na ia fa’aauauina “Ua faigata le olaga ona ua taugata le soifuaga ma oute iloa ole mafua’aga lea e tatau ai ona tatou tauivi. Ua tatou iloa eleai se mea e maua ma se filemu.

“Ua ou vaaia le taumafaiga tele a si ou aiga ma ou vaaia le mana’omia tele e i latou o se fesoasoani, ae ele mafai ona tatou pea atu i luga o se isi laasaga pea fai ua na’o si ou tama oloo afu i aso uma i le tausaga o i matou.

“O lou naunautaiga lava ia avea au ma se folau iluga o vaa, ua ou fa’aataina mea olea ou taumafai e faia mo si ou aiga i le lumana’i pea ou manuia

“Ma ole mea moni lava, oute mana’o e faia se fale fou mo i latou ma o lou tatalo lea ina ia faataunuuina lenei manaoga

“E mafai ona tatou popoto ma manatu i mea tetele ae afai tatou te le faamuamuaina le Atua i mea uma 

Olea tatou toe faaiu mai lava i le mea na tatou amata atu au.

“I le taimi lenei, ao ou fa’atali ma le onosa’i, oloo ou taumafai lava oute teuina meauma na aoaoina mai e ou matua ao lei alu ese atu.

“Ole taumafaiga ina ia fa’ataunuuina ou fa’amoemoega eleo se mea faigofie ae ele mo na’o au ae mo si ou aiga atoa.”

By Aruna Lolani 01 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>