Ua maua e se tamaita’i Samoa  se galuega maualuga i totonu o le Faalapotopotoga Tau Fesoota’iga a Malo o le Taupulega (C.T.O.). .Ua faaigoaina Gisa Fuata’i Purcell o se tasi lea o fautua e to’alua faa-itulagi o le I.C.T.e le faalapotopotoga.

E ui lava ina o Gisa o le Faufautu Faa-Itulagi mo le Pasefika i Saute, o Dr. Marianne Treschow o le Faufautua Faa-Itulagi mo Scandinavia ma Europa i Matu.

O lea faalauiloa na fai e le Failautusi Aoao o le C.T.O. o Shola Taylor.

O Gisa sa avea muamua ma Faauluuluga o le Vaega o le  I.T.U.e faasino i L.D.Cs, S.I.D.S. ma le L.L.D.Cs; Climate Change Adaption ma le Faaitiiti o Faafitauli Tau Faalavelave ma Fesootaiga Mamalo Faaleoleo.

O ia le tama’ita’i mua ua na ta’ita’ia lenei vaega ma o le tagata muamua foi o Atumotu o le Pasefika ua galue i le Nofoaga Autu o le I.T.U. i Sinvea. Sa sologa lelei lona faafoeina o le tele o galuega tetele i le lalolagi e aofia ai faiga tau le vave lapata’ia o loo faaaoga ai le I.C.Ts, fesootaiga tau satelite, galuega faavae ma galuega tetele a le le I.C.T. e aofia ai uaea tetele tau fesootaiga i lalo o le sami. E i ai lona faailoga o le Master of Commerce ma le Administration mai le Victoric University i Ueligitone Niu Sila.

 “Ua ‘ou fiafia lava e faalauiloa atu le tofiga o Dr. Treschow ma Ms Purcell,” o le faaaliga lea a Shola Taylor.

“O le pule a le C.T.O e tuufaatasi ai tulaga tau le Taupulega i mea tutupu tau le I.C.T.e tatau ai ona tatou tulaga e tusa ai ma aso nei i le itu tau mataupu faa-itulagi, ma o le a fai ia mautinoa e o tatou Faufautua Faa-Itulagi –o le a mautinoa ai lo tatou auai i totonu o nei vaega. 

O galuega a le C.T.O.i le salafa o Malo o le Taupulega ma le salafa o malo ma tuaoi faa-itulagi, ae o loo i ai se manaoga mo le Faalapotopotoga ina ia faagasolo faatasi ma mea faamuamua faa-itulagi a o latou sui auai.

O Dr. Marianne Treschow o le Faatonu Aoao muamua  ma o se sui auai o le Komiti o le Pulega o Meli ma Fesootaiga a suetena (P.T.S). 

O ia o le faufautua sinia i le Ericsson Group; faufautua, Europe to VolPSolutions; o le na faavaeina ma o le Ofisa Sili o Pulega o le Treschow Consulting: tagata Poto Europa i le Clobal Network Women in ICT )WITNET); sui auai o le Royal Academy of Engineering Sciences (IVA); ma o le sui auai o le Swedish Institute of International Affairs.

E uiga i le Faalapotopotoga Tau Fesootaiga a Malo o le Taupulega.

 O le Faalapotopotoga o Fesootaiga a Malo o le Taupulega (C.T.O.) e pito i sili ona matua ma lapo’a i Malo o le Taupulega ma po se faalapotopotoga  i le va o malo i le itu tau faamatalaga tekonolosi..

E ui lava ina mafai ona saili i tua lo matou tala faasolopito i le 1901 faatasi ai ma le faavaeina o le Pacific Cable Board, ae o le faalapotopotoga o lea faatoa tula’i mai i lona tulaga i le taimi nei e avea ma faalapotopotoga o  feagaiga tau le va o malo talu mai le 1967.

Ona o le tele o sui auai eseese o loo faataamilo i atunuu ua atiina a’e ma atunuu laiti poo setete  tau ati a’e, o loo faamoemoe le C.T.O.ia ave ma paaga faatuatuaina mo le faatumauina o atiina a’e i le salafa atoa o I.C.Ts.