O le Minisita o Faamasinoga ma Pulega Tau Faamasinoga, o Faaolesa Katopau Ainu’ū na ia tuuina mai ananafi le faamatalaga ua ta’ua i lalo e tali atu ai i le tusi saisai ua faaleaogaina, lea ua leva ona tuuina mai e faasaga ia te ia i totonu o Amerika Samoa.

O lea la faamatalaga o loo lomia lava e tusa ai ma le faaupuga na  tuuina mai ai: 

 “E mafai ona ‘ou faamaonia e faapea o le Faamasinoga Faa-Itumalo a Amerika Samoa na faamaonia le talosaga ina ia faaleaogaina se tusi saisai lea ua loa ona tuuina atu i lo’u igoa i taimi amata o lenei tausaga. Sa tumau pea ona avea ma o’u faamoemoe le talia pea o le faaiuga mai le faamasinoga a Amerika Samoa, a’o lei faia soo se manatu aloa’ia.  

I le avea ma loia, ua ‘ou malamalama lelei i faaletonu tau le faaalia o se manatu e uiga i soo se mataupu lea o i luma o faamasinoga ma le faaaloalo i taualumaga tau faamasinoga. Sa ‘ou le fiafia i le tele o taumafaiga a nusipepa e maunu a’u Ae paga lea-o lenei mataupu ua le gata ina aliali mai e faasaga ia te a’u ina ua mavae la’u taumafaiga manuia i le faiga-palota mo le Palemene, ae ua ‘ou fiafia ona ua mafai e le Faamasinoga Faa-Itumao a le Teritori ona fai le latou filifiliga ma faamamā moliaga ma faaleaogaina ai le tusi saisai. 

Ona o lea la ua faaleaogaina lenei faamasinoga i le taimi nei ma ua faamamā ai lo’u igoa, ou te faamoemoe o le a tele le taimo o nusipepa ma isi lava itu e auai-e tuuina atu ai lomiga o tala fou e uiga i isi mataupu e taua i le atunuu, ma mafai ai ona tuu tasi la’u vaai i o’u tiute faa-Minisita.”