Osofa’ia le taavale a le Komesina o Leoleo a’o faagasolo le faafeaoina o le Palemia

Tusia Pai Mulitalo Ale ma Faaliliu e Seagaitumua Tupuola ,

151 Hits

Afioga le Alii Palemi, Tuilaepa S. Malielegaoi ma le Komisina o Leoleo Fuiava Egon Keil.

Afioga le Alii Palemi, Tuilaepa S. Malielegaoi ma le Komisina o Leoleo Fuiava Egon Keil.

O le taavale aloa’ia a le Komesina o Leoleo na osofa’ia a’o ia faafeao atu le Palemia o Tuilaepa Sailele Malielegaoi i le vaiaso talu ai.. E le’i afaina le Komesina o Fuiavailili Egona Keil ma lana avetaavale ae na ta’ei le faamalama o le taavale.

O lea osofaiga na tupu i le po. Na tulai mai lea osofaiga ona o se suesuega, lea o loo faaauaupea, e tusa ai ma le fofoga o le Matagaluega o Leoleo, o Maotaoalii Kaioneta Kitiona. “O le faafeaoina o le Palemia o se faiga masani lava lea,” o le faaaliga lea a Maotaoalii, “o le tiute o Leoleo o le faafeao o alii ofisa sinia o le malo i nisi taimi ma o lenei po, na tau’ai ane ai e nisi ma’a i le taavale a le Komesina. 

E le’i afaina le Komesina poo lana avetaavale mai lea faalavelave.” Fai mai Maotaoalii latou te le’i saiasaia se tasi i le taimi nei e tusa ai ma lea osofaiga. E tusa ai ma lipoti, na sailia e le Komesina se fesoasoani mai pulenuu o Fasitoo-tai ma Vailu’utai ina ia sailia i latou na ta’ua’ia ia maa i le taavale..

Sa le mafai ona maua se fesootaiga ma le Komesina o Fuiavailili mo se manatu faaalia.

O Faamatalaga i totonu o le Matagaluega o Leoleo  na faailoa atu i le Leitio a Niu Sila e faapea o se osofaiga tau laau faasaina i Fasitoo-tai i le vaiaso talu ai e ono mafai ona avea ma mafuaga o lea faalavelave.

© Samoa Observer 2016

Developed by Samoa Observer in Apia