Anitelea galue mo lona fiafiaga

By Aruna Lolani 01 June 2017, 12:00AM

E sili lava lou tigaina mai lo’u galue i le ma’umaga na i lo’u galue i se galuega e tele atu ai lo’u tigaina ae ou te le’o fiafia ai.

O se manatu fa’alia lea mai ia Anitele’a Le’ana mai le nu’u o Faleasi’u.

Sa ta’ua e Anitele’a i le Fofoga o Samoa, o ia sa faigaluega fa’a sikulati ma sa ia faia se tonu e fa’amavae o ia ona e laitiiti lava sana seleni e maua mai lena galuega.

“E leai a sesi e fia galue fa’apena, tele le afu e alu ae laitiiti lana tupe maua,” sa ia fa’apea mai.

 “Sa tele lava lo’u taimi na alu ai i lea galuega ae galo ai mea e tatau ona fa’amuamua pei o lo’u aiga.

“Ua lua nei tausaga talu ona ou toe fo’i mai lo’u aiga aua ua ma le toe nonofo ma lo’u to’alua.

 “O lea la ua fa’amuamua lo’u aiga, o’u matua aua na o le to’atolu lava matou.

“Ua ou fa’alogoina fo’i ua uma le taimi sa ou galue ai i ni galuega i ni pisinisi aua ua le toe tutusa le malosi.

“Ia o lea la se’i fai atu fanua ma le ma’umaga aua se lumana’i lelei o le aiga.

 “O galuega ia sa tatou amata ai lea ua tatou toe fo’i mai ai.

“A tonu ua lelei, ia ona fa’atau atu lea aua sesi alagatupe.

“Ua ou fiafia lava ma o le a ou taumafai atili lava e atia’e lenei ma’umaga aua ou te talitonu lava o ia le iai manuia o tagata Samoa.

“O matua fo’i lea ua toe tua mai ai ma o le a fa’aaoga tatau le taimi, e tausi ma mafuta ai ma i la’ua aua ua tele taimi ua ma’imau atu i galuega i aso ua te’a.”

By Aruna Lolani 01 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>