Leai se suavai, leai foi se eletise

Tusia Fetalai Tuilulu’u ma Aruna Lolani ,

72 Hits

O le ola ai e leai se suavai  mautu, leai se eletise, leai foi se tupe, sa ia fa’apea mai ai o lo’o mana’omia si  ona aiga se fesoasoani.

O le ola ai e leai se suavai mautu, leai se eletise, leai foi se tupe, sa ia fa’apea mai ai o lo’o mana’omia si ona aiga se fesoasoani.

O le maua ai o le fa’atalatalanoga le Fofoga o Samoa ma Nefu o Faisto’o sa ia fa’ailoa ai le faigata o le olaga o lo’o iai si ona aiga. 

O le ola ai e leai se suavai  mautu, leai se eletise, leai foi se tupe, sa ia fa’apea mai ai o lo’o mana’omia si  ona aiga se fesoasoani. 

“O lo’o ma taumafai ma si o’u to’alua e tau atina’e si o matou aiga. 

“Sa tele lava nai fa’afitauli na feagaia ai ona o le tausu’eina o se fanua po se eleele mau te fa’amautu ai, peitai o lenei ua maua foi le eleele ae leai foi se vai ma se eletise. 

Sa taua e le tinā o le olaga lenei a leai lava se galuega mautu e matua faigata lava le olaga. 

“O si maua tama teine e 10 ona tausaga, ia o a’u nei o le tinā e nofo le fale, ae o si o’u to’alua e galue lava le maumaga.  

O le tulaga le vai e la’u ma i se tasi o tuaoi. 

“O le laki lava o le agalelei mai o si o matou tuaoi ofa mai le vai.... pua lava le agaga o le maua le vai. 

“Aua o le taimi nei, e le gafatia se suvai, aua e leai se tupe toe o lo’o tau su’e lava se seleni tausi ai si o ma tama. 

“Ou te le popole lava ia te a’u ia, o si a ma tama o lo’o ave ai le ma fa’amuamua. 

E faigata lava le olaga: Nefu Mateo o Fasito’o Uta o lo’o aga’i atu e ti vai.
E faigata lava le olaga: Nefu Mateo o Fasito’o Uta o lo’o aga’i atu e ti vai.

O le fale o le aiga e le’o se fale mautu.

“Pei ona silasila atu, o lo’o mana’omia lava se fesoasoani i si o matou foi fale. 

“Pau lava o mea ua gata ia le mafai. 

Sa taua foi e le tina, ese mai le aoga si ana tama, e tele foi isi vaega o lo’o ave iai foi le fa’amuamua. 

“Ia e le gata foi le aoga le afafine, ae o le ekalesia foi le isi vaega ua ave iai le fa’amuamua. 

“E leai se tasi e faitoi o le mea tatau ona fai ae ua fai foi sina mativa.

Sa taua foi le tinā ia Nefu o lona naunautaiga lava o le taumafai lava. 

“O a’u nei e leai se tupe, leai se mea’ai, leai se fa’amoemoe ae pau lava o le alofa si o’u aiga. 

“Pau lava le tulaga ia te a’u o le taumafai, galuega malosi ma fesoasoani le tamā le aiga aemaise lava si a la tama ina ia manuia. 

O si nei aiga e leai se telefoni, ae mo se tasi e fia-fesoasoani le tinā fa’afeso’otai mai le Samoa Observer 23078.  

© Samoa Observer 2016

Developed by Samoa Observer in Apia