Agalelei atu i se tasi

01 May 2016, 12:00AM

Mafaufau tasi lava…E to’alua ni taulele’a ma o se uo lelei fo’i i la’ua na ta’ao’oto fa’atasi o la’ua gasegase i se falema’i. O le isi o i la’ua e mafai lava ona ona nofo i luga ae o le isi e leai.

I le tele lava o taimi  e talatalanoa i la’ua nei i o la aiga, ta’ito’alua, fanau o a la galuega aemaise ai le tele o mea na  o la molimauina i lenei olaga. O le tele lava la o a la talanoaga e fa’amatala ai e le ali’i lenei e mafai ona nofo i luga mea o lo’o tutupu i fafo lea e mafai ona ia va’ava’ai atu i ai i aso uma a’o fai a la’ua talanoaga i luga o le potu o lo’o o la ta’o’oto ai.

Mai nei talatalanoaga i aso uma e fa’amatalaina ai e le o lo’o mafai ona nofo i luga le matagofie o se paka tele lava o lo’o  mafai ona ia va’ai atu ai i fafo, o autafa o lo’o tafetafe ai se vai ma e si’omia i se togala’au matagofie lava. Na avea lea ma fiafiaga o le isi o i la’ua lea e le o mafai ona nofo i luga, ma ua avea ma se mafu’aaga ua mana’o ai lava o ia e fa’amatalatala atu ai pea le va’aiga mo ia.

O se tasi o aso na maliu ai lea lea e masani ona ia fa’atalatalaina va’aiga nei ma sa vae ma fa’anoanoaga tele o si taule’ale’a lea e masani ona ia fa’alogologo aua e le mafai ona ia nofo i luga.

Ina ua ta’u atu i le foma’i mea nei e fa’amatatala e si ana uo lenei a’o ola na fa’ate’ia o ia ina ua fai atu le foma’i o lana uo lea e tauaso.

O lo’o a’oao’ina i tatou e Iesu e sili atu le matagofie ina ua tatou mafai ona ‘au’auna atu mo  nisi o tatou uso a tagata.

Ma o lea le atoaga o lo’o o i ai nei ma o se tasi lea o auala i le fiafia.

O lea le fa’amoemoe tele o Le Na Foafoaina i Tatou na ia maliu ai mo i tatou ina ia fa’amagaloina o tatou leaga ma agasala uma ina ia mafai ona ia foaina mai le ola atoatoa mo i tatou

Talia nei Iesu e avea ma Fa’aola ma fesuiaiga lou ola mo se amatagafou.

O le a ia tu’uina atu lona mana e fa’aosofia ai lou alofa ma le ola auauna ai mo nisi. Toe Mafaufau Tasi lava…

01 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>