Gafa ai ma galuega e lua o se tulaga faigatã tele

Tusia Fetalai Tuilulu’u ,

82 Hits

Le tama galue malosi ia Manuele Petelo e 55 tausaga le matua le soifua.

Le tama galue malosi ia Manuele Petelo e 55 tausaga le matua le soifua. (Photo: Fetalai Tuilulu’u )

E ala eseese lava tagata ma a latou tali atu i le tau o le soifuaga ma auala e foia ai lea faafitauli tele. 

E le’o na’o le faigaluega i le faletupe ma le faleoloa tele e maua mai se tupe mo le tausiga o aiga. 

E pito sili ona tele tupe e maua mai i le faatoaga ma le togalaau aina e sili lava lea e maua fua mai mo le tausiga o le aiga. 

O le manatu lea o le taule’ale’a ia Manuele Petelo , 55 tausaga le matua mai i le afioaga oTuanaimato . E na’o le to’a lima lava tagata si ona aiga. 

“E faigata ia o se tautuaina o se aiga e ova ma le sefulu ona tagata aua e talanoa lava o tupe mea uma e tausia ai.” O lana tala lea i le Fofoga o Samoa. 

“E moni lava ou te faigaluega, ae o tupe e maua mai ai e le taitai gafatia lea ma lava mo mea e moomia I totonu o lona aiga. 

“O le ala foi lea ua ou manatu ai e fa’aoga tatau le taimi lea e manava mai ai e galue e tōtō ia se maumaga e fesoasoani ai I seisi vagea o mea fai I totonu o le aiga. 

O Manuele o lo’o sikulaki nei le N.P.F ae o lana galuega lava e manava fai le fale o le tautuaina lea o lona aiga. 

“Tusa lava po o lea o le le lava le fa’asoa i fea, o mea lava ua maua i lima ua lava lena ma totoe aua le tausiga o aiga. Ma o lo’u manao foi in aua nei ola falōlō le fanau. 

“Pei ona silasila mai, e lei leva na manava mai galuega o lea foi la e fai fai atu sina galuega le maumaga e fa’aoga ai le malu le taeao. 

Sa taua e le tama o lana fanau lava le mafuaaga o lona galue malosi. 

“Ou te le mana’o e ola falōlō la’u fanau, ou te faia foi nei galuega ina ia latou iloa ma ola e leai se mea e maua ma se filemu. 

“O lea foi la e sulu solo le ulu, e faigaluega aua lava le fa’amoemoe ina ia manuia fanau ma aiga ma maua so latou lumana’i manuia. 

“Mo le silafia foi lenei vaitau ua tatou iai ua fai lava sina faigata, ae le aunoa ma le galue malosi matua e leai se taui lelei e maua. 

“O le faigaluega ma le fai maumaga i le taimi e tasi e le’o se galuega fai gofie lea. 

© Samoa Observer 2016

Developed by Samoa Observer in Apia