Pagatia i le leai o se suavai

By Seia Soloi 01 March 2017, 12:00AM

E maua mea uma i le olaga ma lo tatou siosiomaga, pei o meaai ma fanua, ae a leai se suavai, ua leai se ola o le tagata soifua. 

O le vai o le ola lea o le tagata.

O le manatu faanoanoa lea o le Tama ia I’amua.Te’o Mumuu Su’e, mai le afioaga o Nuu-Fou, i le leva ai ona pagatia o ia ma lona afafine i le leai o se suavai talu ona nofoia e I laua lea fanua.

“O le fanua lenei e ona e lo’u tuafafine o lo’o nonofo i Amerika, ae ua ia aumaia ia au out e nofo ma vaai ma atia’e, ae peitai ma te omai o lea e le’o ola ai se vai, e oo mai lava i le taimi nei e leai lava se vai o maua” o lana tala lea I le Fofoga o Samoa i le aso ananafi.

O le tama ia I’amua na’oi laua lava ma lona afafine lo la fale, ma o le tausaga muamua nei a lona afafine i le Iunivesite Aoao o Samoa, ma o le tulaga faigata lea ua iai nei

“Ua au tausaga o feagai maua ma lenei faafitauli tele, ua uma na ou uia ala e tatau ona fai, na ou oo foi I le Pulega o le Suavai mo se fesoasoani ae le gata I lea o le Minisita o Aoga mo se fesoasoani, I le taimi na ou faigaluega ai, ae e oo mai lava i le taimi nei, e lei ola mai lava.

“Ua uma ona faia tuutuuuga o lea totogi uma mai e lo’u tuafafine le pili e oo mai lava I le taimi nei, sa ou faapea la ua tatau loa o na alu le igoa o le pili i lo’u igoa, ae lea a e leai se mea o faia.

Pau le tulaga o lo’o moomia ai le suavai mo le tama ia I’amua ma lona aiga, o le itu lea i le tapenaina o meaai aemaise le vaiinu aua o mea pito sili ia na taua.

O leisi faamamafa a le tama i lenei tausaga o le totogiina lea o le pili aoga a lona afafine, ma saili se galuega aua le tausiaina o ia ma lona afafine.

“E moni lava e faigata le soifuaga, ae o le galue lava o oe mo lou aiga, o le mea sili lea na taua, aua le ola faalagolago.

Mo le lumanai, ua manatu le tama ia I’amua mo sona fale lelei ma le mautu ina ia faafaigofie ai mea uma o lona aiga.

“A maua le suavai o le  mea pito sili ona taua lea, aua o a fale ma mea e maua ae a leai se suavai, ua leai foi se ola.

By Seia Soloi 01 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>