Faamuamua Aiga

By Seia Soloi 01 March 2017, 12:00AM

O le manatu tuusa’o lea o le Tina ia Fia Va’auli, 35 tausaga le matua mai Nuu-Fou. O le faamuamua lava o aiga ma fanau, o lea pito sili lea ona taua ia te ia.

O lo’o nonofo nei ma le la fanaue toalua i le faatoaga a lona aiga, ma lona toalua ma o lo’o atia’e ai lava le laua aiga.

“Sa matou nonofo faatasi ma o’u matua i le aai, ae peitai ua alia’e foi nisi o tulaga faapea o le gaoiina o le faatoaga, o le ala lea ua matou nonofo ai ma mei mai ai iinei.

Na’o le Tama o le aiga e faigaluega ma gafa ma le tautuaina o le aiga i itu tau tupe aua mea faia le aiga aemaise o mea fai a le Nuu ma le Ekalesia, aua o mea pito i taugata ia o lo’o iai nei.

“E faigofie lava le matou aiga, aua nao matou lava le matou fale, a ua iai a apa eleni po o le araisa i le aso, ua lava na ma totoe mo le tausiga o la’u fanau.

Na ia faaalia, po o le a lava le taugata o le soifuaga i lenei vaitau, e atia’e lava aiga I le mea e gata ai le taumafai, aua se manuia mo aiga I aso a sau.

E talitonu le tina ia Fia i le tele ma le anoanoai o suiga tetele aemaise luitau ua ofi mai I totonu o le atunuu, ae e sili lava le faamuamua o aiga.

“Tele tupe faaalu i faalavelave ma mea e fai, ae e le mafai ona tatou ‘aloese mai ai ua masani ai lava o tatou tagata i mea fai, ae faamuamua le aiga aemaise le fanau, aua o fanau o le lumanai manuia o aiga mo aso a sau.

O le naunautaiga o le tina mo le lumanai, ina ia mautu sona fale lelei e nonofo ai ma lona aiga ma atia’e ai lava latou, ma faamoemoe i le faatoaga o lo’o maua ai meaai aua le ola o lona aiga mo aso uma.

By Seia Soloi 01 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>