Auai Ulugia i le manatu o Tuilaepa e fa’atatau i le aufaigaluega a le falepuipui

By Deidre Tautua-Fanene 01 February 2018, 12:00AM

E le’i ‘alo le So’oupu a le Matagaluega o Falepuipui, Ulugia Niuia Aumua i le ataata o le la’au ina ua fesiligia i sona finagalo fa’aalia e tusa ai ma le manatu o le Alii Palemia Tuilaepa Sailele Malielegaoi e fa’apea e le’o talafeagai le malosi i le aufaigaluega a le falepuipui o le mafuaaga lea o le sosola i tua o pagota.

O lesi fo’i mafuaga o le leaga o le puleaina o pagota o lo’o i totonu o Tafaigata.

Sa fa’aalia e Ulugia e le mafai ona so’ona saunoa lana afioga se’i vaganā ua mautinoa.

“O le tulaga foi i le tulaga i le fitness o ofisa ou te lagona e lē tusitusi lima sesi ae sa’o lele a le saunoaga a le alii palemia,” o le finagalo fa’aalia lea a Ulugia.

“Ae a tou vaai foi o lo’o i ai nisi o matagaluega e tatau ona fit a latou tagata ae leo i ai se tulaga faapena.

“Ae i le itu i le fitness o ofisa a le matagaaluega a le falepuipui e saolelei a le saunoaga.

“O lea foi ua I ai le fuafuaga i le tulaga i le fitness o ofisa.

“E tutupu mea nei e tai lua lava aso ma fai le Zumba a le matagaluega na amata mai lava i le 2015 e i ai foi taimi e o ai toleniga i le fa’atoaga ma tulaga faapena.

“E o’o fo’i i le auaunaga a le pulega o lea na ou faamaualalo ai i le atunuu ona o le fa’atamala o le ofisa ma o a’u o lo’o fa’auluulu i ai le vaega lea e leai la sesi e tu’uaia o au lava e tu’uaia.”

I le vaiaso na se’i mavae atu nei i le fonotaga a Tuilaepa ma le au Tusitala sa ia ta’ua ai le leaga o le puleaina o le toese i Tafaigata o le ala lea e sosola ese mai ai pagota.

Sa saunoa fo’i i se tasi o pagota le ali’i o Lagalaga Misiluki.

“E to’afa ofisa sa tiute i le aso lea na sola ese mai ai Lagalaga ma faimai le fa’amatalaga o le pagota lea o ia o se tasi e lavea i le au kuka.

“Ua uma ona ou logoina le Komesina o Falepuipui e fai ni toleniga mo nisi o le au ofisa.

“E tatau ona momoli mai i Apia i le 7 i le taeao ae fa’atamomo’e atu i Apia e o’o i Tafaigata.

 “O lesi taimi lea na faimai o lesi ofisa na taitaiina mai le pagota i le ta’avale ae sau a le pagota tatala le pa tamo’e ese.

“Sa tuliloaina e le ofisa ae na te le’i mauaina ona e pei le ofisa lea o se sumo.

“Ua tatau lava ona litaea nei ituaiga tagata.”

Sa fa’aalia fo’i le lē fiafia o le taitai o le malo ona o le sosola so’o i tua o pagota.

“Ou te ofo i le Komesina i lona taliaina o nei tagata.

“E tatau lava ona litaea auā e leai se aogā e faigaluega ai.

“O la’u fautuaga i le Minisita o Falepuipui, ia aveese loa nei ofisa e pei ni sumo ma auvaivai.”

By Deidre Tautua-Fanene 01 February 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>